Koronavirýstyń britandyq dep atalyp ketken jańa shtamyna jótel, qatty sharshaý, tamaq pen bulshyqettiń aýyrýy siiaqty belgiler tán. Biraq iis sezgishtiktiń joǵalýy burynǵy nusqasyna qaraǵanda qatty baiqalmaidy. Ulybritaniianyń Ulttyq statistika basqarmasy osyndai toqtamǵa kelip otyr, dep habarlaidy QazAqparat VVS silteme jasap.
Vedomstvonyń qorytyndylary Angliiada kezdeisoq tańdalǵan, COVID-19 diagnozy qoiylǵan 6 myń adamǵa qatysty málimettiń óńdelýinen jasalǵan.
Iis pen dámdi joǵaltý siiaqty belgiler jańa shtamda azyraq kezdesedi. Biraq bul shtamda áli de aýrýdyń negizgi úsh belgisi bar. Olar: dene qyzýy, turaqty jótel jáne dám sezimtaldyǵynyń ózgerýi.
Indet juqtyrǵan adamdardyń kópshiliginde osy úsh belginiń kem degende bireýi anyqtalǵan.
Aita ketsek, koronavirýstyń jańa shtamy alǵash ret Kent graftyǵynda tirkelgen edi. Jańa shtamnyń bastapqy virýsqa qaraǵanda taralý qabileti jyldamyraq. Ol Ulybritaniianyń barlyq aimaǵynan anyqtaldy. Jańa infektsiiany juqtyrǵandardyń sanynyń kúrt ósýine bailanysty ondaǵy bilik kúndelikti lokdaýn engizýge májbúr boldy.
Bul shtamnyń ólimge aparar qaýpi joǵaryraq dep aitýǵa negiz bar. Áitse de muny rastaityn ǵylymi negiz áli joq. Britaniiada sonymen qatar Ońtústik Afrika men Braziliiadan jetken jańa shtamdar da anyqtalǵan. Alaida olarǵa qatysty jekelegen jaǵdailar ǵana tirkeldi. Statistikalyq vedomstvo qyzmetkerleri jańa Covid-19 shtamymen túsken naýqastardyń boiyndaǵy aýrý belgilerin bir apta boiy taldady. Olardy «bastapqy» shtamdy juqtyrǵandarmen salystyrdy. 2020 jyldyń qarasha aiynyń ortasynan bastap 2021 jyldyń qańtar aiynyń ortasyna deiin aýyrǵan adamdardyń nátijeleri eskerildi. Derekter jańa shtamnyń birinshi jaǵdaida siiaqty úsh emes, eki genmen úilesetindigin kórsetken. Jańa shtamdy juqtyrǵan 3,5 myń adamnyń ishinde 35% jótelse, 32%-yn sharshańqylyq basqan. 25%-nyń bulshyq etteri men búkil denesi aýyrsynyp, shaǵymdanǵan. Al 21,8%-nyń tamaǵy aýyrdy.
