2021 jyly densaýlyq saqtaý salasynda táýelsiz sarapshylar institýtyn akkreditteý rásimin jetildirýdi qamtamasyz etý josparda bar. Bul týraly QR Densaýlyq saqtaý birinshi vitse-ministri Marat Shoranov aitty, dep habarlaidy QazAqparat.
«COVID-19-ǵa shaldyqqan patsientterge meditsinalyq kómek kórsetetin meditsinalyq uiymdardyń daiarlyǵyn baǵalaý turaqty negizde júrgiziledi. Sonymen qatar, 2020-2025 jyldarǵa arnalǵan farmatsevtikalyq jáne meditsinalyq ónerkásipti damytý jónindegi keshendi jospardy iske asyrý jalǵasady», - dedi birinshi vitse-ministr Ortalyq kommýnikatsiialar qyzmetinde.
Onyń aitýynsha, dárilik zattardy ulttyq tirkeýden EAEO erejelerimen tirkeýge kóshý, sonymen qatar EAEO aiasynda farmatsevtikalyq inspektsiiany júzege asyrý josparlanyp otyr.
Budan buryn habarlanǵandai, brifing barysynda Qazaqstanda salynatyn meditsinalyq nysandar týraly aityldy.
5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda, onyń ishinde 83 meditsinalyq pýnkt, 70 feldsherlik-akýsherlik pýnkt, 57 dárigerlik ambýlatoriia jáne 1 emhana qamtylady.
