Belgiia úkimeti koronavirýspen kúres boiynsha mańyzdy sharalardy anyqtaý úshin Konsýltativtik komitettiń kezekti otyrysyn ótkizdi, dep habarlaidy "Ult aqparat".
Jyl sońynda koronavirýstyń taralýyn boldyrmaý úshin Belgiia shekarasynan ótý erejelerin qatańdatý týraly sheshim qabyldanǵan bolatyn. Endi Belgiiaǵa kirgisi keletin sheteldik azamattar COVID-19 úshin teris nátijeli test tapsyrýy kerek. Jumysqa baratyn adamdar úshin keibir erekshelikter jasalady.
48 saǵattan astam ýaqyt boiy shetelde bolǵan Belgiianyń kez kelgen turǵyny «juqtyrý qaýpi joǵary adam retinde qarastyrylady jáne jeti kún ishinde karantinde bolýy kerek.
Budan bólek, jolaýshylardy izdeýdiń arnaiy nysanyn toltyrýdyń mindetti rásimi belgilenedi.
Belgiia Úkimeti joǵaryda atalǵan erejelerdi qatań tekserýge ýáde beredi.
«Búgingi tańda táýligine jańa infektsiia juqtyrǵandar sany segiz apta burynǵydan 10 esege az. Óitkeni biz bárimiz belgilengen erejelerdi saqtadyq. Alaida elde virýs juqtyrǵandar sanynyń baiaýlai bastaǵanyn kóremiz. Bul koronavirýstyń úshinshi tolqynynyń bastaýy bolýy múmkin jáne biz aldyn alýymyz kerek», - dedi Belgiia premer-ministri A. Kroo.
