Resei premer-ministri Mihail Mishýstin qyzmetine oraldy. Prezident Vladimir Pýtinniń jarlyǵy Kreml saitynda jariialandy.
Sáýir aiynyń sońynda premer-ministrden koronavirýs tabylyp, Mishýstin 30 sáýirden bastap emdelýge ketken bolatyn. Onyń mindetin vitse-premer Aleksandr Beloýsov ýaqytsha atqarǵan.
Mishýstin aýrýhanada emdelip jatyp, birneshe ret jiyn ótkizgen. Alaida onyń mindetin orynbasary ýaqytsha atqarǵandyqtan jiynǵa kim retinde qatysqany belgisiz.
Mishýstinnen bólek, úkimette qurylys ministri Vladimir Iakýshev (ol qazir áli emdelip jatyr), mádeniet ministri Olga Liýbimova jáne ǵylym jáne joǵary bilim ministri Valerii Falkovtan koronavirýs infektsiiasy tabylǵan. Buǵan qosa, Pýtinniń baspasóz hatshysy Dmitrii Peskov pen gosdýmanyń birneshe depýtaty COVID-19 aýrýyna shaldyqqan.
