Sońǵy aptada álemde 21 millionnan astam adam koronavirýsty juqtyrdy, bul pandemiia bastalǵaly bergi eń joǵary jańa kórsetkish, dep habarlaidy QazAqparat.
Dúniejúzilik densaýlyq saqtaý uiymy (DDSU) sársenbige qaraǵan túni koronavirýs juqtyrǵandar sany aldyńǵy jeti kúnmen salystyrǵanda 5%-ǵa, al ólim-jitim 1%-ǵa artqandyǵyn málimdedi.
17 qańtar men 23 qańtar aralyǵynda DDSU aptalyq biýlleteni «ótken aptamen salystyrǵanda COVID-19 jańa jaǵdailarynyń bes paiyzǵa artýyn» tirkedi - 21 362 288 adam koronavirýs juqtyrǵan. Jeti kún ishinde 49 890 naýqas qaitys bolǵai, bul bir apta burynǵy kórsetkishten 1%-ǵa artyq.
Ótken aptamen salystyrǵanda (10-16 qańtar) juqtyrǵandar sanynyń artýy Shyǵys Jerorta teńizinde – 39%-ǵa, Ońtústik-Shyǵys Aziiada (36%-ǵa) jáne Eýropada – 13%-ǵa artty. Eýropada bir aptada juqtyrǵandar sany 10 millionnan asty jáne bul álemdegi barlyq jańa infektsiialardyń 47% quraidy. Ólim, ásirese Ońtústik-Shyǵys Aziiada - 44%-ǵa jáne Shyǵys Jerorta teńizinde - 15%-ǵa qatty ósti. Sonymen qatar Afrikada, Batys Tynyq muhit aimaǵynda jáne Eýropada sáikesinshe 14%, 12% jáne 5% tómendedi.
Amerika Qurama Shtattary bir aptadaǵy infektsiialardyń eń kóp sany týraly habarlady (4 215 852). Odan keiin Frantsiia (2 443 821), Úndistan (2 115 100), Italiia (1 231 741) jáne Braziliia (824 279) keledi.
Dúniejúzilik densaýlyq saqtaý uiymynyń málimetine sáikes, 25 qańtardaǵy jaǵdai boiynsha álemde pandemiia bastalǵannan beri 352 796 704 adam aýrý juqtyryp, 5 600 434 adam qaitys bolǵan. Al ótken táýlikte 2 158 785 adamnyń indetke shaldyqqany jáne 6 189 adamnyń kóz jumǵany týraly habarlandy.
