Resei prezidentiniń turaqty damý jónindegi arnaiy ókili Anatolii Chýbais óz erkimen qyzmetinen ketti, - dep habarlaidy Tengrinews.kz tilshisi RIA Novostige silteme jasap.
Birqatar BAQ onyń Reseiden ketkenin málimdedi.
Bloomberg basylymy eki aqparat kózine silteme jasap, Chýbais "Resei prezidenti Vladimir Pýtinniń Ýkrainaǵa soǵys ashqanymen kelispeitinin aityp, óz erkimen otstavkaǵa shyǵyp elden ketti" dep jazdy.
"Iá. Chýbais óz erkimen otstavkaǵa ketti. Ketý, ketpeý bul onyń - jeke isi", - dep túsindirdi Pýtinniń baspasóz hatshysy Dmitrii Peskov.
Bloomberg basylymy 66 jastaǵy Chýbaisty Pýtin úkimetindegi Batys sheneýnikterimen tyǵyz bailanysta bolǵan 1990 jyldardaǵy sanaýly ekonomikalyq reformatorlardyń biri dep atady. Chýbais turaqty damý jónindegi elshi etip taǵaiyndalǵanǵa deiin iri memlekettik kompaniialarda basshylyq qyzmetterdi atqarǵan.
Buǵan deiin jýrnalist jáne telejúrgizýshi Vladimir Pozner Birinshi arnada Anatolii Chýbaispen bolǵan suhbatty esine aldy. Jýrnalist Chýbaistyń reseilikterdiń oǵan degen jekkórýshiligi týraly suraq qoiǵan kezdegi erekshe áreketin este saqtap qalǵanyn aitady.
"Bul másele ony qatty tolǵandyrady. Osy suraqty qoiǵanda bet álpetiniń, daýys yrǵaǵynyń jáne túriniń buzylyp ketkenin esime túsirdim", - dedi telejúrgizýshi.
