2022 jylǵy 26 naýryzda Chilidiń tanymal "Merkýrii" gazetinde Dimash Qudaibergen týraly maqala shyqty. Materialda avtor ánshiniń vokaldyq diapazony men onyń mýzyka álemine áseri týraly aitady, - dep habarlaidy Tengrinews.kz tilshisi dimashnews.comsilteme jasap.
Merkýrii gazeti (El Mercurio) - Chilidegi eń bedeldi jáne kóne gazetterdiń biri. Basylymnyń alǵashqy nómiri 1827 jyly 12 qyrkúiekte Valparaiso qalasynda jaryq kórdi. Keiinirek, 1900 jyly 1 maýsymda gazet Santiagoda da shyǵa bastady.
26 naýryzda gazette "Dimash Qudaibergen óziniń keń vokaldyq diapazonymen tańǵaldyratyn ánshi" degen taqyryppen úlken maqala jariialandy.
Basylymda oqyrmanǵa qazaqstandyq oryndaýshynyń shyǵarmashylyq joly, onyń tańǵajaiyp vokaldyq qabiletteri men pandemiiadan keiin bastalǵan kontserttik týry týraly aitylǵan.
"Dimash shyǵarmashylyǵynyń Ońtústik Amerikada taralǵanyna biz óte qýanyshtymyz! Biz árqashan Dimash Latin Dears fan-klýbynyń atynan kóptegen is-sharalar ótkizemiz. 2023 jyly Chilide "Vinia-del-Mar" ániniń eń úlken festivali ótedi. Tvitterdegi paraqshasynda is-sharany uiymdastyrýshylar kórermenderdiń festival sahnasynda kimdi kórgisi keletinin suraidy. Árine, bizdiń eń úlken armanymyz - onda Dimashty kórý!",- dep bólisti Dimash Latin Dears fan-klýbynyń ákimshileri.
