Juma kúni tártipsizdikke ulasqan narazylyq kezinde Chili astanasyndaǵy Pedro de Valdiviia atyndaǵy ýniversitettiń ǵimaraty órtendi, dep habarlaidy "Ult aqparat" 24 Horas telearnasyna silteme jasap.
Telearnanyń efirinde oqý ornynyń tutastai otqa oranǵan sáti kórsetilgen. Oqiǵa ornynda órt sóndirýshiler jalynmen arpalysyp jatyr. Olardyń málimetterine qaraǵanda, oqý ornyn qasaqana órtegen.
Jekemenshik ýniversitet kezekti myńdaǵan adam manifestatsiiasy ótip jatqan Bakedano alańyna jaqyn mańda ornalasqan.
Aktsiiaǵa qatysýshylar áleýmettik ádiletsizdikke jáne qazirgi úkimettiń saiasatyna qarsylyqtaryn bildirýde.
