Energetika ministri Nurlan Noǵaev el aldyndaǵy eseptik kezdesýinde Chevron kompaniiasy qurǵan tikelei investitsiialyq qordyń kólemin atady, dep habarlaidy "Ult aqparat".
«2020 jyldyń qorytyndysy boiynsha jer qoinaýyn paidalanýshylar 5,4 trln teńgege taýarlar satyp alyp, qyzmetter kórsetip, jumys istegen. Sonyń 46 paiyzy – qazaqstandyq qamtý. 5,4 trln teńgeniń 78 paiyzy «Teńizshevroil», «Qashaǵan» jáne «Qarashyǵanaq» kompaniialaryna tiesili. 15 paiyzy «Samuryq Qazyna» júiesindegi «QazMunaigaz», KEGOC siiaqty kompaniialarǵa, qalǵan 7 paiyzy basqa kompaniialarǵa tiesili», - dedi ministr ortalyq kommýnikatsiialar qyzmetinde.
Vedomstvo basshysy atalǵan baǵyttaǵy sharalardy ary qarai jalǵastyrý úshin Chevron kompaniiasymen naqty kelisim jasalǵanyn eske saldy.
«Chevron kompaniiasymen ózine alǵan mindeti boiynsha tikelei investtsiialyq qor uiymdastyrý jónindegi máselelermen ainalysyp kele jatyrmyz. Tikelei investitsiialyq qorlar, iaǵni, 250 mln dollar birinshi kezekte aqparattyq tehnologiialardy damytýǵa, ekologiialyq máselelerdi sheshýge jáne qazaqstandyq ónerkásipti damytýǵa jáne qoldaýǵa jumsalady. Bul másele qazir belsendi júrip jatyr», - dedi Energetika ministri.
