Ózge ult ókilderin memlekettik tildi qurmettep, qazaq tilin ana tilimen birdei úirený kerek. «Jańǵyrý joly» óńirlik shtabynyń múshesi Chepel Vladimir osylai dedi, - dep habarlaidy «Ult aqparat».
Almaty oblysy Alakól aýdandyq ishki saiasat bólimi jáne Analar keńesi Alakólde «Assambleia – tatýlyq pen birliktiń tuǵyry» taqyrybynda kezdesý ótkizdi. Oǵan aýdan jáne aýyldyq okrýg turǵyndary qatysqan sharaǵa Jańǵyrý joly» óńirlik shtabynyń múshesi Chepel Vladimir qatysty.
«Almaty oblysy túrli ult ókilderi eń kóp shoǵyrlanǵan aimaqtyń biri ekenin barshańyz bilesizder. Sol sebepti de kez kelgen jerde kez kelgen ýaqytta ultaralyq tatýlyq, berik dostyq pen bereke-birliktiń bolýy mańyzdy. Sonymen qatar, bir shańyraq astynda ómir súrip otyrǵan ózge ult ókilderi qazaq tilin ana tilimen birdei úirený kerek. Bul memlekettik tildi qurmetteýmen qatar, memlekettik qyzmet atqarýǵa múmkindik beredi», - dedi Jańǵyrý joly» óńirlik shtabynyń múshesi Chepel Vladimir.
Chepel Vladimirdiń aitýynsha, ózi de memlekettik qyzmette memlekettik tildi jetik meńgergeni úshin joly bolǵan kórinedi. Jastaiynan qazaq tiline qumar bolǵan ol barlyq ýaqytta osy tildi meńgerýge arnaiy ýaqyt bólgen. Nátijesi, mine, búginde memlekettik tilde erkin sóilep, saýatty jazady. Sonymen qatar, memlekettik qyzmette de ósýine talai joldar ashyla túsken.
Jiynda aýdandyq Analar keńesiniń tóraiymy Dúisebaeva Uljalǵas Býrasanqyzy tatýlyq pen bereke-birliktiń ainymas qaǵidasy jaily, memlekettik tilimizdiń qadir-qasieti týraly oi tolǵady.
«Qazaq tili – memlekettik til ǵana emes, ol qanshama ulttyń basyn bir shańyraq astyna biriktirip otyrǵan qazaq degen uly halyqtyń ana tili. Sondyqtan da bul tilge degen qurmet qana emes, asa abyroily mártebe de kerek ekeni daýsyz. Búgingi tańda memlekettik tildiń dárejesi týraly kóp aitylady. Qazaq tilinde qyzmet alýyn talap etetin turǵyndardyń da sany artty. Qarapaiym ǵana mysaly, jurtshylyqtyń bankomattan qazaq tilin tańdaý kerek dep nasihattap júrgenine talai jyldar boldy. Jáne ol nátijesiz de emes. Qazaq tili shuraily til, ádebieti óte bai. Zer qalyp qaraǵan adamǵa naǵyz ǵylym tili ekeni anyq. Sondyqtan da Qazaqstan Respýblikasynda ómir súrip otyrǵan kez kelgen ult ókilinen uly halyqtyń uly tiline qurmetpen qaraýdy suraimyn», - dedi aýdandyq Analar keńesiniń tóraiymy Uljalǵas Dúisebaeva.
Kez kelgen jerde durys saiasattyń júrgizilýi sol jerdiń ishki saiasatyna bailanysty. Osy oraida Alakól aýdandyq ishki saiasat bóliminiń basshysy Beibit Aitahmetov el ishinde tatýlyq pen birliktiń birqalypty bolýy úshin atalǵan bólimniń mamandary úzdiksiz jumys istep otyrǵanyn alǵa tartty.
«Ishki saiasat bóliminiń jumystary ońai emes. Qanshama ulttyń tatý-tátti ómir súrýi úshin qanshama mamandar jumys istep otyr. Almaty oblysynda qanshama ult ókilderi turady jáne olar memlekettiń birtutastyǵy úshin árqaisysy da jeke-jeke úles qosyp otyr. Ishki jaǵdaidy birqalypty qalyptastyrýǵa el turǵyndarynyń da qosyp otyrǵan úlesi zor. Aitýly mamandardyń qajyrly eńbeginiń arqasynda búginde Almaty oblysyndaǵy jaǵdai turaqty dep bilemin. Osy oraida aimaqtyń turǵyndary men mamandaryna zor alǵysymyzdy bildirgimiz keledi», - dedi Alakól aýdandyq ishki saiasat bóliminiń basshysy Beibit Aitahmetov.
Esterińizge sala keteiik, Almaty oblysy Alakól aýdandyq ishki saiasat bólimi jáne Analar keńesi Alakólde «Assambleia – tatýlyq pen birliktiń tuǵyry» taqyrybynda kezdesý ótkizdi. Oǵan aýdan jáne aýyldyq okrýg turǵyndary qatysqan sharaǵa Jańǵyrý joly» óńirlik shtabynyń múshesi Chepel Vladimir qatysty. Sonymen qatar, jiynda aýdandyq Analar keńesiniń tóraiymy Dúisebaeva Uljalǵas Býrasanqyzy tatýlyq pen bereke-birliktiń ainymas qaǵidasy jaily, Alakól aýdandyq ishki saiasat bóliminiń basshysy Beibit Aitahmetov el ishinde tatýlyq pen birliktiń birqalypty bolýy týraly baiandady.
