ٶزگە ۇلت ٶكٸلدەرٸن مەملەكەتتٸك تٸلدٸ قۇرمەتتەپ, قازاق تٸلٸن انا تٸلٸمەن بٸردەي ٷيرەنۋ كەرەك. «جاڭعىرۋ جولى» ٶڭٸرلٸك شتابىنىڭ مٷشەسٸ چەپەل ۆلاديمير وسىلاي دەدٸ, - دەپ حابارلايدى «ۇلت اقپارات».
الماتى وبلىسى الاكٶل اۋداندىق ٸشكٸ ساياسات بٶلٸمٸ جەنە انالار كەڭەسٸ الاكٶلدە «اسسامبلەيا – تاتۋلىق پەن بٸرلٸكتٸڭ تۇعىرى» تاقىرىبىندا كەزدەسۋ ٶتكٸزدٸ. وعان اۋدان جەنە اۋىلدىق وكرۋگ تۇرعىندارى قاتىسقان شاراعا جاڭعىرۋ جولى» ٶڭٸرلٸك شتابىنىڭ مٷشەسٸ چەپەل ۆلاديمير قاتىستى.
«الماتى وبلىسى تٷرلٸ ۇلت ٶكٸلدەرٸ ەڭ كٶپ شوعىرلانعان ايماقتىڭ بٸرٸ ەكەنٸن بارشاڭىز بٸلەسٸزدەر. سول سەبەپتٸ دە كەز كەلگەن جەردە كەز كەلگەن ۋاقىتتا ۇلتارالىق تاتۋلىق, بەرٸك دوستىق پەن بەرەكە-بٸرلٸكتٸڭ بولۋى ماڭىزدى. سونىمەن قاتار, بٸر شاڭىراق استىندا ٶمٸر سٷرٸپ وتىرعان ٶزگە ۇلت ٶكٸلدەرٸ قازاق تٸلٸن انا تٸلٸمەن بٸردەي ٷيرەنۋ كەرەك. بۇل مەملەكەتتٸك تٸلدٸ قۇرمەتتەۋمەن قاتار, مەملەكەتتٸك قىزمەت اتقارۋعا مٷمكٸندٸك بەرەدٸ», - دەدٸ جاڭعىرۋ جولى» ٶڭٸرلٸك شتابىنىڭ مٷشەسٸ چەپەل ۆلاديمير.
چەپەل ۆلاديميردٸڭ ايتۋىنشا, ٶزٸ دە مەملەكەتتٸك قىزمەتتە مەملەكەتتٸك تٸلدٸ جەتٸك مەڭگەرگەنٸ ٷشٸن جولى بولعان كٶرٸنەدٸ. جاستايىنان قازاق تٸلٸنە قۇمار بولعان ول بارلىق ۋاقىتتا وسى تٸلدٸ مەڭگەرۋگە ارنايى ۋاقىت بٶلگەن. نەتيجەسٸ, مٸنە, بٷگٸندە مەملەكەتتٸك تٸلدە ەركٸن سٶيلەپ, ساۋاتتى جازادى. سونىمەن قاتار, مەملەكەتتٸك قىزمەتتە دە ٶسۋٸنە تالاي جولدار اشىلا تٷسكەن.
جيىندا اۋداندىق انالار كەڭەسٸنٸڭ تٶرايىمى دٷيسەباەۆا ۇلجالعاس بۋراسانقىزى تاتۋلىق پەن بەرەكە-بٸرلٸكتٸڭ اينىماس قاعيداسى جايلى, مەملەكەتتٸك تٸلٸمٸزدٸڭ قادٸر-قاسيەتٸ تۋرالى وي تولعادى.
«قازاق تٸلٸ – مەملەكەتتٸك تٸل عانا ەمەس, ول قانشاما ۇلتتىڭ باسىن بٸر شاڭىراق استىنا بٸرٸكتٸرٸپ وتىرعان قازاق دەگەن ۇلى حالىقتىڭ انا تٸلٸ. سوندىقتان دا بۇل تٸلگە دەگەن قۇرمەت قانا ەمەس, اسا ابىرويلى مەرتەبە دە كەرەك ەكەنٸ داۋسىز. بٷگٸنگٸ تاڭدا مەملەكەتتٸك تٸلدٸڭ دەرەجەسٸ تۋرالى كٶپ ايتىلادى. قازاق تٸلٸندە قىزمەت الۋىن تالاپ ەتەتٸن تۇرعىنداردىڭ دا سانى ارتتى. قاراپايىم عانا مىسالى, جۇرتشىلىقتىڭ بانكوماتتان قازاق تٸلٸن تاڭداۋ كەرەك دەپ ناسيحاتتاپ جٷرگەنٸنە تالاي جىلدار بولدى. جەنە ول نەتيجەسٸز دە ەمەس. قازاق تٸلٸ شۇرايلى تٸل, ەدەبيەتٸ ٶتە باي. زەر قالىپ قاراعان ادامعا ناعىز عىلىم تٸلٸ ەكەنٸ انىق. سوندىقتان دا قازاقستان رەسپۋبليكاسىندا ٶمٸر سٷرٸپ وتىرعان كەز كەلگەن ۇلت ٶكٸلٸنەن ۇلى حالىقتىڭ ۇلى تٸلٸنە قۇرمەتپەن قاراۋدى سۇرايمىن», - دەدٸ اۋداندىق انالار كەڭەسٸنٸڭ تٶرايىمى ۇلجالعاس دٷيسەباەۆا.
كەز كەلگەن جەردە دۇرىس ساياساتتىڭ جٷرگٸزٸلۋٸ سول جەردٸڭ ٸشكٸ ساياساتىنا بايلانىستى. وسى ورايدا الاكٶل اۋداندىق ٸشكٸ ساياسات بٶلٸمٸنٸڭ باسشىسى بەيبٸت ايتاحمەتوۆ ەل ٸشٸندە تاتۋلىق پەن بٸرلٸكتٸڭ بٸرقالىپتى بولۋى ٷشٸن اتالعان بٶلٸمنٸڭ ماماندارى ٷزدٸكسٸز جۇمىس ٸستەپ وتىرعانىن العا تارتتى.
«ٸشكٸ ساياسات بٶلٸمٸنٸڭ جۇمىستارى وڭاي ەمەس. قانشاما ۇلتتىڭ تاتۋ-تەتتٸ ٶمٸر سٷرۋٸ ٷشٸن قانشاما ماماندار جۇمىس ٸستەپ وتىر. الماتى وبلىسىندا قانشاما ۇلت ٶكٸلدەرٸ تۇرادى جەنە ولار مەملەكەتتٸڭ بٸرتۇتاستىعى ٷشٸن ەرقايسىسى دا جەكە-جەكە ٷلەس قوسىپ وتىر. ٸشكٸ جاعدايدى بٸرقالىپتى قالىپتاستىرۋعا ەل تۇرعىندارىنىڭ دا قوسىپ وتىرعان ٷلەسٸ زور. ايتۋلى مامانداردىڭ قاجىرلى ەڭبەگٸنٸڭ ارقاسىندا بٷگٸندە الماتى وبلىسىنداعى جاعداي تۇراقتى دەپ بٸلەمٸن. وسى ورايدا ايماقتىڭ تۇرعىندارى مەن ماماندارىنا زور العىسىمىزدى بٸلدٸرگٸمٸز كەلەدٸ», - دەدٸ الاكٶل اۋداندىق ٸشكٸ ساياسات بٶلٸمٸنٸڭ باسشىسى بەيبٸت ايتاحمەتوۆ.
ەستەرٸڭٸزگە سالا كەتەيٸك, الماتى وبلىسى الاكٶل اۋداندىق ٸشكٸ ساياسات بٶلٸمٸ جەنە انالار كەڭەسٸ الاكٶلدە «اسسامبلەيا – تاتۋلىق پەن بٸرلٸكتٸڭ تۇعىرى» تاقىرىبىندا كەزدەسۋ ٶتكٸزدٸ. وعان اۋدان جەنە اۋىلدىق وكرۋگ تۇرعىندارى قاتىسقان شاراعا جاڭعىرۋ جولى» ٶڭٸرلٸك شتابىنىڭ مٷشەسٸ چەپەل ۆلاديمير قاتىستى. سونىمەن قاتار, جيىندا اۋداندىق انالار كەڭەسٸنٸڭ تٶرايىمى دٷيسەباەۆا ۇلجالعاس بۋراسانقىزى تاتۋلىق پەن بەرەكە-بٸرلٸكتٸڭ اينىماس قاعيداسى جايلى, الاكٶل اۋداندىق ٸشكٸ ساياسات بٶلٸمٸنٸڭ باسشىسى بەيبٸت ايتاحمەتوۆ ەل ٸشٸندە تاتۋلىق پەن بٸرلٸكتٸڭ بٸرقالىپتى بولۋى تۋرالى باياندادى.
