Fýtboldan biylǵy UEFA Chempiondar ligasy finaly ótetin oryn ózgerdi, dep habarlaidy "Ult aqparat".
Bul jóninde Eýropalyq fýtbol qaýymdastyǵy odaǵy (UEFA) málim etti.
Finaldyq oiyn 29 mamyrda Portýgaliianyń «Dragaý» stadionynda ótkiziledi. Onda Angliianyń «Manchester Siti» jáne «Chelsi» komandalary sheberlik baiqasady.
Aita keterligi, budan buryn final Túrkiianyń «Atatúrik» stadionynda bolady dep josparlanǵan edi. Degenmen Angliia fýtbol federatsiiasynyń basshylyǵy atalǵan elde koronavirýs ahýalynyń kúrdeli bolýyna bailanysty ótetin oryndy ózgertý jóninde usynys bildirdi. Oǵan balama retinde týrnirdegi sońǵy kezdesýdi aǵylshyn jerinde uiymdastyrýǵa ótinish jasady.
UEFA basshylyǵy barlyq jaǵdaidy eskere otyryp, finaldy Portýgaliia elinde uiymdastyrýǵa sheshim qabyldady.
