Ispaniianyń «Real Madrid» klýby fýtboldan UEFA Chempiondar ligasynda rekord jańartty. Ol óziniń tarihyna atalǵan týrnirdiń jartylai finalyna 14 márte shyǵyp otyr, dep habarlaidy "Ult aqparat".
Ispandyq klýb 14 sáýirde syrt alańda Angliianyń «Liverpýl» klýbymen 0:0 esebimen teń oinady. Alǵashqy kezdesýde «Real Madrid» 3:1 esebimen tize búktirgen edi. Eki oiynnyń nátijesimen ispandyq klýb jartylai finalǵa shyqty.
Keshe taǵy bir kezdesýde Germaniianyń «Borýssiia Dortmýnd» komandasy óz alańynda «Manchester Siti» klýbyna 1:2 esebimen ese jiberdi. Nemis fýtbolshylary dál sol eseppen apta buryn da jeńilip qalǵan bolatyn.
Endi 27 sáýir men 4 mamyrda «Manchester Siti» men «Pari Sen -Jermen» (Frantsiia), «Chelsi» (Angliia) men «Real Madrid» komandalary sheberlik baiqasady.
Final 29 mamyrda Túrkiianyń Ystanbul qalasyndaǵy «Atatúrik» olimpiadalyq stadionynda ótedi.
