يسپانييانىڭ «رەال مادريد» كلۋبى فۋتبولدان UEFA چەمپيوندار ليگاسىندا رەكورد جاڭارتتى. ول ٶزٸنٸڭ تاريحىنا اتالعان تۋرنيردٸڭ جارتىلاي فينالىنا 14 مەرتە شىعىپ وتىر, دەپ حابارلايدى "ۇلت اقپارات".
يسپاندىق كلۋب 14 سەۋٸردە سىرت الاڭدا انگلييانىڭ «ليۆەرپۋل» كلۋبىمەن 0:0 ەسەبٸمەن تەڭ وينادى. العاشقى كەزدەسۋدە «رەال مادريد» 3:1 ەسەبٸمەن تٸزە بٷكتٸرگەن ەدٸ. ەكٸ ويىننىڭ نەتيجەسٸمەن يسپاندىق كلۋب جارتىلاي فينالعا شىقتى.
كەشە تاعى بٸر كەزدەسۋدە گەرمانييانىڭ «بورۋسسييا دورتمۋند» كومانداسى ٶز الاڭىندا «مانچەستەر سيتي» كلۋبىنا 1:2 ەسەبٸمەن ەسە جٸبەردٸ. نەمٸس فۋتبولشىلارى دەل سول ەسەپپەن اپتا بۇرىن دا جەڭٸلٸپ قالعان بولاتىن.
ەندٸ 27 سەۋٸر مەن 4 مامىردا «مانچەستەر سيتي» مەن «پاري سەن -جەرمەن» (فرانتسييا), «چەلسي» (انگلييا) مەن «رەال مادريد» كوماندالارى شەبەرلٸك بايقاسادى.
فينال 29 مامىردا تٷركييانىڭ ىستانبۇل قالاسىنداعى «اتاتٷرٸك» وليمپيادالىق ستاديونىندا ٶتەدٸ.
