UEFA Chempiondar ligasy 1/4 finalynda 7 sáýirde eki oiyn ótkizildi, dep habarlaidy "Ult aqparat".
Alǵashqy jupta «Portý» (Portýgaliia) men «Chelsi» (Angliia) komandalary kezdesti. Bul oiynda aǵylshyndar 2:0 esebimen jeńiske jetti. Olardyń qatarynan Meison Maýnt 32, Bendjamin Chilýell 85-minýtta mergendik tanytty.
Taǵy bir oiynda «Bavariia» (Germaniia) men «Pari Sen-Jermen» (Frantsiia) komandalary sheberlik baiqasty. Kezdesý barysynda qos komanda bes gol soqty.
Aldymen «Pari Sen-Jermen» sapynan Kilian Mbappe 3, Markinos 28-minýttarda mergendik tanytty. Oǵan «Bavariia» qatarynan Erik Shýpo-Moting 37, Tomas Miýller 60-minýttarda qos golmen jaýap qaiyrdy. Oiyn núktesin 68-minýtta Kilian Mbappe qoiyp, kezdesýdegi eki goldyń avtory atandy. Osylaisha nemis klýby óz alańynda qarsylasyna 2:3 esebimen ese jiberdi.
Endi qarymta oiyndar 13 sáýirde ótkiziledi.
Aita keteiik, budan buryn shirek finalda taǵy eki oiyn ótkizildi. Ispaniianyń «Real Madrid» klýby «Liverpýldi» 3:1, Angliianyń «Manchester Siti» klýby Germaniianyń «Borýssiia Dortmýnd» komandasyn 2:1 esebimen tize búktirdi.
Final 29 mamyrda Túrkiianyń Ystanbul qalasyndaǵy «Atatúrik» olimpiadalyq stadionynda ótedi.
