چەمپيوندار ليگاسى: «باۆارييا» ٶز الاڭىندا جەڭٸلٸپ قالدى

UEFA چەمپيوندار ليگاسى 1/4 فينالىندا 7 سەۋٸردە ەكٸ ويىن ٶتكٸزٸلدٸ, دەپ حابارلايدى "ۇلت اقپارات".

العاشقى جۇپتا «پورتۋ» (پورتۋگالييا) مەن «چەلسي» (انگلييا) كوماندالارى كەزدەستٸ. بۇل ويىندا اعىلشىندار 2:0 ەسەبٸمەن جەڭٸسكە جەتتٸ. ولاردىڭ قاتارىنان مەيسون ماۋنت 32, بەندجامين چيلۋەلل 85-مينۋتتا مەرگەندٸك تانىتتى. 

تاعى بٸر ويىندا «باۆارييا» (گەرمانييا) مەن «پاري سەن-جەرمەن» (فرانتسييا) كوماندالارى شەبەرلٸك بايقاستى. كەزدەسۋ بارىسىندا قوس كوماندا بەس گول سوقتى. 

الدىمەن «پاري سەن-جەرمەن» ساپىنان كيليان مباپپە 3, ماركينوس 28-مينۋتتاردا مەرگەندٸك تانىتتى. وعان «باۆارييا» قاتارىنان ەريك شۋپو-موتينگ 37, توماس ميۋللەر 60-مينۋتتاردا قوس گولمەن جاۋاپ قايىردى. ويىن نٷكتەسٸن 68-مينۋتتا كيليان مباپپە قويىپ, كەزدەسۋدەگٸ ەكٸ گولدىڭ اۆتورى اتاندى. وسىلايشا نەمٸس كلۋبى ٶز الاڭىندا قارسىلاسىنا 2:3 ەسەبٸمەن ەسە جٸبەردٸ. 

ەندٸ قارىمتا ويىندار 13 سەۋٸردە ٶتكٸزٸلەدٸ.

ايتا كەتەيٸك, بۇدان بۇرىن شيرەك فينالدا تاعى ەكٸ ويىن ٶتكٸزٸلدٸ. يسپانييانىڭ «رەال مادريد» كلۋبى «ليۆەرپۋلدٸ» 3:1, انگلييانىڭ «مانچەستەر سيتي» كلۋبى گەرمانييانىڭ «بورۋسسييا دورتمۋند» كومانداسىن 2:1 ەسەبٸمەن تٸزە بٷكتٸردٸ. 

فينال 29 مامىردا تٷركييانىڭ ىستانبۇل قالاسىنداعى «اتاتٷرٸك» وليمپيادالىق ستاديونىندا ٶتەدٸ.