video kadry
Baizaqtaǵy áskeri bólimde bolǵan jarylysqa kináli dep aiyptalǵan sarbazdar sotta sońǵy sózin aitty, dep habarlaidy KTK arnasy.
Qatardaǵy jaýynger Erbolat Turanov pen Áset Áshirbai 18 adamnyń ólimine ózin kináli sezinbeidi. Sebebi tergeýshiler qoqan-loqqy kórsetip, "qylmysty bizdiń moinymyzǵa ilgisi keledi" deidi.
"Ómir boiyna ketesiń, Chelahtyń qasyna barasyń" dedi. Men sol kezde qoryqtym. Ne úshin moiyndaýym kerek degen kezde, "moinyńa ala sal, bul tirlikti jabamyz, prokýrormen, Astanamen sóilesip qoidyq, senderge shartty jaza beredi, shyǵyp ketesińder" dedi. Bizdi bala siiaqty aldady. Men - kináli emespin", - dedi aiyptalýshy.
«Tergeýde qysym kórdik» degen qos sarbaz sottan ózin aqtap alýdy surady. Ekeýinen bólek, sot zalynda kúdikti dep tanylǵan taǵy tórt ofitser otyrdy. Biraq olarǵa áli sóz berilgen joq.
Eske salsaq, 2021 jyly tamyzda Jambyl oblysy Baizaq aýdanyndaǵy №28349 áskeri bólimshesiniń qarý-jaraq qoimasy jarylyp, 18 adam qaza tapqan, taǵy 82 adam jaralanǵan. Osy oqiǵadan keiin jaqyn mańdaǵy aýyl turǵyndary qaýipsiz jerge kóshirilgen. Bul is boiynsha 250-den astam adam jábirlenýshi retinde tanylǵan. Biraq jaralanǵandar men múlki búlingender osyǵan deiingi sot otyrystarynda jarylysqa dál osy sarbazdar kináli degenge senimsizdik bildirgen.
Kelesi sot otyrysy búgin ótedi.
