Praga Ýkrainadaǵy soǵysqa bailanysty sanktsiiaǵa ilikken Resei oligarhtarynyń quny júzdegen million turatyn múlikteri men shottaryn qulyptady. Muny Chehiia premer-ministri Petr Fiala Chehiia telearnasynyń efirinde aitty.
Resei Ýkrainaǵa basqynshylyq jasamai turǵanda Chehiia prezidenti Milosh Zeman Máskeýge sanktsiia salýǵa qarsy bolyp júrgen. 24 aqpanda Resei Ýkrainaǵa shabýyl bastaǵan soń ózgerip, meilinshe qatań sanktsiia salýǵa shaqyrǵan.
Fiala "Resei prezidenti agressiiashyl saiasatymen eshnársege jete almady, biraq ol munymen toqtamaidy" dep sanaidy. Fiala Máskeýge salynǵan sanktsiialardy "tarihtaǵy eń qatań sanktsiia" dep baǵalady.
Aita keteiik, Reseidiń basqynshy saiasatyn aiyptaǵan álemniń kóptegen elderi Resei ekonomikasyna yqpal etetin túrli sanktsiialar salǵan.
