Portýgaliia lokdaýnnan shyqty. Parijdiń jansaqtaý bólimderi lyq toldy. Chehiia koronavirýs naýqastaryn kórshi memleketke jiberýde, dep habarlaidy "Ult aqparat".
Birte-birte Portýgaliia eki ailyq «lokdaýnnan» qalypty ómirge orala bastady. Eger eldegi epidemiologiialyq jaǵdai nasharlamasa, aldaǵy jeti apta ishinde shekteýlerdi birte-birte alyp tastaý josparlanýda. Qazir elde balabaqshalar, shashtarazdar, kitap dúkenderi ashyla bastady.
Frantsiia úkimetiniń málimetinshe, Parijdegi reanimatsiia bólimsheleri 95% toldy. Qazirgi ýaqytta búkil elde keshki saǵat 6-dan bastap komendanttyq saǵat engizildi. Al keibir ońtústik pen soltústiktiń bólimderinde demalys kúnderi tolyq «lokdaýn» bolady.
Chehiia biligi KVI patsientterin Polshaǵa emdelýge jiberý týraly sheshim qabyldady. Sebebi jergilikti aýrýhanalarda oryndar azaidy. Aýrýdyń ósýin azaitý úshin Chehiiada ótken dúisenbiden bastap mektepter men kóptegen dúkender jabyldy. Chehiia Eýropadaǵy syrqattanýshylyq deńgeii boiynsha kósh bastap keledi - sońǵy 14 kúnde bir million adamǵa shaqqanda 15 myń naýqas tirkelgen.
