Senat otyrysynda (19 sáýirde) depýtat Marat TAǴYMOV Qazaqstan Respýblikasynyń Premer-Ministri B.Á. Saǵyntaevtyń atyna depýtattyq saýal joldady. Onda bylai delingen:
Qazaqstan Respýblikasynyń
Premer-Ministri
B.Á. SAǴYNTAEVQA
Qurmetti Baqytjan Ábdiruly!
Depýtattyq saýal joldaýǵa aqaýly lift saldarynan Aqtóbe qalasynda jas áieldiń qaiǵyly qazaǵa ushyraýy sebep bolyp otyr. Qazanyń mán-jaiy jurtshylyqty qatty tolǵandyrdy.
«Azamattyq qorǵaý týraly» Qazaqstan Respýblikasynyń Zańyna sáikes liftiler qaýipti tehnikalyq qurylǵylarǵa jatady jáne olardy paidalaný qaýipsizdigi ónerkásiptik qaýipsizdik talaptaryna sai bolýǵa tiis. Investitsiialar jáne damý ministrligi ónerkásiptik qaýipsizdik salasyndaǵy ýákiletti organ bolyp tabylady.
«Qazaqstan Respýblikasynyń memlekettik basqarý deńgeileri arasynda ókilettikterdiń arajigin ajyratý jónindegi sharalar týraly» Qazaqstan Respýblikasy Prezidentiniń 2014 jylǵy 25 tamyzdaǵy № 898 Jarlyǵyna sáikes turǵyn úi-kommýnaldyq sharýashylyq obektilerinde bekitilgen liftilerdi baqylaý jergilikti atqarýshy organdardyń quzyryna qalalyq turǵyn úi inspektsiialaryna berildi.
Biraq is júzinde jergilikti atqarýshy organdarǵa, atap aitqanda qalalyq turǵyn úi inspektsiialaryna liftilerdi jańǵyrtýdy, rekonstrýktsiialaýdy jáne jóndeýdi qosa alǵanda, olardy tehnikalyq kútip ustaý boiynsha baqylaý fýnktsiialaryn iske asyrý jónindegi ókilettikter berilmegen.
Jergilikti atqarýshy organdarǵa ýákiletti organ bergen shtat birlikteri ónerkásiptik qaýipsizdik salasyndaǵy memlekettik inspektor mártebesin ielenbegen.
Keden odaǵynyń «Liftiler qaýipsizdigi» degen tehnikalyq reglamentinde liftini paidalanýǵa berý aldynda obektide bekitilgen liftiniń tehnikalyq reglament talaptaryna sáikestigin baǵalaý júrgizilýge tiis ekeni belgilengen.
Óz kezeginde, Investitsiialar jáne damý ministrligi qaýipti óndiristik obekt bolyp tabylatyn liftilerdiń ónerkásiptik qaýipsizdigine saraptama júrgizýge mindetti.
Sonymen birge, qalalyq turǵyn úi inspektsiialary men Investitsiialar jáne damý ministrligi Indýstriialyq damý jáne ónerkásiptik qaýipsizdik komitetiniń aýmaqtyq bólimsheleri arasynda fýnktsiialardyń qaitalanýy ókilettikterdiń naqty arajigin ajyratýdyń jáne tutastai alǵanda lift sharýashylyǵynda baqylaý fýnktsiialaryn iske asyrý boiynsha jaýapkershiliktiń joqtyǵyna alyp keldi.
Nátijesinde jergilikti jerlerde liftilerdi tehnikalyq kútip ustaýdy júzege asyratyn kompaniialardyń qyzmetine baqylaý jasalmaidy, olardyń qyzmetine qoiylatyn talaptar aiqyndalmaǵan, lift uiymdaryn sertifikattaý tetigi ázirlenbegen. Sondai-aq, bizdiń oiymyzsha, liftilerdi montajdaý jáne olarǵa tehnikalyq qyzmet kórsetý quqyǵyna litsenziia berýdiń kúshin joiý jaǵdaidy ýshyqtyryp otyr. Baqylaý tetigi jolǵa qoiylmaiynsha, liftilerdiń adam ómirine qaýipti bolyp qala beretini anyq.
Qazaqstan Liftshileriniń Ulttyq Qaýymdastyǵynyń derekteri boiynsha respýblikamyzdyń asa iri jeti qalasynda 7000-ǵa jýyq lift kúrdeli jańǵyrtýdy nemese aýystyrýdy qajet etedi.
Astana qalasynyń ózinde shamamen 60 servistik kompaniia jumys isteidi, olardyń bolmashy bóliginiń ǵana shyn máninde quzyretteri, mamandary jáne qajetti óndiristik-tehnologiialyq bazasy bar.
2016 jyldan bastap 2018 jyldyń búgingi kúni aralyǵynda Tótenshe jaǵdailar departamentine «112» nómirine Astana liftilerindegi apattyq jaǵdailarǵa bailanysty 934 qońyraý shalynǵan. Jańadan salynǵan turǵyn úi keshenderindegi liftilerdiń de udaiy isten shyǵyp jatatyny tańǵaldyrmaityn boldy.
Liftilerdiń apattylyǵy máselesi ártúrli ákimshilik deńgeilerde talqylanǵanymen, jaǵdaidyń ózgermegenin atap kórsetý kerek.
Qurmetti Baqytjan Ábdiruly! Joǵaryda baiandalǵandarǵa bailanysty Sizden:
- Baqylaý-ruqsat berý fýnktsiialaryn yryqtandyrý boiynsha júrgizilip jatqan reforma jaǵdailarynda ónerkásiptik qaýipsizdik salasyndaǵy ýákiletti organ men jergilikti atqarýshy organdar arasynda
lift jabdyqtaryn baqylaýdy júzege asyrý jónindegi fýnktsiialardyń qaitalanýyn bolǵyzbaý jáne turǵyn úi inspektsiiasy qyzmetkerlerine
tiisti ókilettikteri bar memlekettik inspektorlar mártebesin berý jóninde sharalar qabyldaýdy; - Liftiniń jáne lift qaýipsizdigi qurylǵysynyń sáikestigin rastaýdy sertifikattaýdy júrgizýdiń biryńǵai tetigin ázirleýdi;
- Lift qyzmetin kórsetýge arnalǵan biryńǵai salalyq standartty, onyń ishinde liftilerdiń biryńǵai elektrondyq tizilimin qurý týraly máseleni qarastyrýdy;
- Keden odaǵynyń «Liftiler qaýipsizdigi» degen tehnikalyq reglamenti talaptarynyń qatań saqtalýyn qamtamasyz etýdi;
- Montajdaý uiymdaryn, servistik kompaniialardy jáne jabdyqtardy importtaýshylardy tańdaýǵa qoiylatyn talaptardy retke keltirýdi suraimyz.
«Qazaqstan Respýblikasynyń Parlamenti jáne onyń depýtattarynyń mártebesi týraly» Qazaqstan Respýblikasy Konstitýtsiialyq zańynyń 27-babyna sáikes depýtattyq saýaldy qaraý nátijeleri týraly zańda belgilengen merzimde jazbasha jaýap berýdi suraimyz.
Qurmetpen,
Depýtattar G. KIM, D. QUSDÁÝLETOV, R. ÁBDIKEROV, S. AITPAEVA, V. VOLKOV, M. JUMAǴAZIEV, M. TAǴYMOV, R. TÚSIPBEKOV
