Semei qalasynda 1844 jyly salynǵan kópes úiiniń buzylýyna bailanysty tergeý júrgizilmek, dep habarlaidy "Ult aqparat".
ShQO ákimi baspasóz qyzmetiniń málimetine súiensek, Semeide tarihi mańyzdylyǵyn anyqtaý maqsatynda saraptamadan ótip jatqan burynǵy kópes úiiniń qabyrǵasy ruqsatsyz buzylǵan.
«Buǵan deiin ǵimarat iesi onyń janynan saýda úiin turǵyzǵan edi. Al onyń ornyna turǵyn úi salý úshin burynǵy murajaidy buzyp tastaýdy josparlaǵan bolatyn. Semeige jumys sapary aiasynda aimaq basshysy Danial Ahmetov kásipkermen kezdesip, bilik qurylysty bastapqy qalpyna keltirýge qarjy bólýge nietti ekenin aitty. Sondai-aq ol jergilikti atqarýshy organdar ǵimarattyń tarihi qundylyǵyn rastaý úshin qajetti qujattardy daiyndaǵanyn atap ótti», - delingen aqparatta.
ShQO Mádeniet basqarmasynyń dereginshe, eski ǵimaratqa jergilikti mańyzy bar tarih jáne mádeniet eskertkishi mártebesin berý protsesi qolǵa alynǵan.
«Ǵimarat tarih jáne mádeniet eskertkishteriniń memlekettik tizimine áli engen joq. Alaida biyl 9 maýsym kúni tarih jáne mádeniet eskertkishterin qorǵaý jónindegi oblystyq komissiianyń otyrysynda oǵan jergilikti mańyzy bar tarih jáne mádeniet eskertkishi mártebesin berý máselesi qaraldy», - deidi basqarmasy basshysynyń mindetin atqarýshy Raýshan Nurmuhanova.
Onyń aitýynsha, 9 maýsymnan bastap kópes úiiniń qazirgi iesi ǵimarattyń saqtalýyn qamtamasyz etýi kerek bolǵan. Al ol bolsa ǵimarat qabyrǵalarynyń birin buzýǵa jol berip otyr. Atalǵan fakt boiynsha Semei qalasynyń Mádeniet jáne tilderdi damytý bólimi quqyq qorǵaý organdaryna júgindi. Eger ǵimaratty kásipkerdiń ózi buzǵany anyqtalsa, oǵan qatysty qylmystyq is qozǵalady.
