سەمەي قالاسىندا 1844 جىلى سالىنعان كٶپەس ٷيٸنٸڭ بۇزىلۋىنا بايلانىستى تەرگەۋ جٷرگٸزٸلمەك, دەپ حابارلايدى "ۇلت اقپارات".
شقو ەكٸمٸ باسپاسٶز قىزمەتٸنٸڭ مەلٸمەتٸنە سٷيەنسەك, سەمەيدە تاريحي ماڭىزدىلىعىن انىقتاۋ ماقساتىندا ساراپتامادان ٶتٸپ جاتقان بۇرىنعى كٶپەس ٷيٸنٸڭ قابىرعاسى رۇقساتسىز بۇزىلعان.
«بۇعان دەيٸن عيمارات يەسٸ ونىڭ جانىنان ساۋدا ٷيٸن تۇرعىزعان ەدٸ. ال ونىڭ ورنىنا تۇرعىن ٷي سالۋ ٷشٸن بۇرىنعى مۇراجايدى بۇزىپ تاستاۋدى جوسپارلاعان بولاتىن. سەمەيگە جۇمىس ساپارى اياسىندا ايماق باسشىسى دانيال احمەتوۆ كەسٸپكەرمەن كەزدەسٸپ, بيلٸك قۇرىلىستى باستاپقى قالپىنا كەلتٸرۋگە قارجى بٶلۋگە نيەتتٸ ەكەنٸن ايتتى. سونداي-اق ول جەرگٸلٸكتٸ اتقارۋشى ورگاندار عيماراتتىڭ تاريحي قۇندىلىعىن راستاۋ ٷشٸن قاجەتتٸ قۇجاتتاردى دايىنداعانىن اتاپ ٶتتٸ», - دەلٸنگەن اقپاراتتا.
شقو مەدەنيەت باسقارماسىنىڭ دەرەگٸنشە, ەسكٸ عيماراتقا جەرگٸلٸكتٸ ماڭىزى بار تاريح جەنە مەدەنيەت ەسكەرتكٸشٸ مەرتەبەسٸن بەرۋ پروتسەسٸ قولعا الىنعان.
«عيمارات تاريح جەنە مەدەنيەت ەسكەرتكٸشتەرٸنٸڭ مەملەكەتتٸك تٸزٸمٸنە ەلٸ ەنگەن جوق. الايدا بيىل 9 ماۋسىم كٷنٸ تاريح جەنە مەدەنيەت ەسكەرتكٸشتەرٸن قورعاۋ جٶنٸندەگٸ وبلىستىق كوميسسييانىڭ وتىرىسىندا وعان جەرگٸلٸكتٸ ماڭىزى بار تاريح جەنە مەدەنيەت ەسكەرتكٸشٸ مەرتەبەسٸن بەرۋ مەسەلەسٸ قارالدى», - دەيدٸ باسقارماسى باسشىسىنىڭ مٸندەتٸن اتقارۋشى راۋشان نۇرمۇحانوۆا.
ونىڭ ايتۋىنشا, 9 ماۋسىمنان باستاپ كٶپەس ٷيٸنٸڭ قازٸرگٸ يەسٸ عيماراتتىڭ ساقتالۋىن قامتاماسىز ەتۋٸ كەرەك بولعان. ال ول بولسا عيمارات قابىرعالارىنىڭ بٸرٸن بۇزۋعا جول بەرٸپ وتىر. اتالعان فاكت بويىنشا سەمەي قالاسىنىڭ مەدەنيەت جەنە تٸلدەردٸ دامىتۋ بٶلٸمٸ قۇقىق قورعاۋ ورگاندارىنا جٷگٸندٸ. ەگەر عيماراتتى كەسٸپكەردٸڭ ٶزٸ بۇزعانى انىقتالسا, وعان قاتىستى قىلمىستىق ٸس قوزعالادى.
