Sátbaevta atysqa qatysty degen eki er adam ustaldy, - dep habarlaidy "Ult aqparat" Polisia.kz Telegram-arnasyna silteme jasap.
"Júrgizilgen jedel-izdestirý is sharalary barysynda politsiia qyzmetkerleri 18 jáne 20 jastaǵy eki er adamdy ustady. Onyń biri kólik tizgininde bolsa, ekinshisi boljam boiynsha jábirlenýshige oq atqan. Ustalǵan er adam moiyndaý kórsetpe belgilerin berdi", - delinegen habarlamada.
Aldyn ala boljam boiynsha, Ulytau Mall saýda úii aldynda jas jigitter sózge kelispei, sońy tóbeleske ulasqan.
"Oqiǵa ornynan avtokólikpen ketý kezinde, kúdiktilerdiń biri 24 jastaǵy azamatqa oq atyp, ol jerden avtokólikpen izin jasyrǵan. Jábirlenýshi oq jaraqattarymen aýrýhanaǵa jetkizildi. Fakt boiynsha Qazaqstan Respýblikasy Qylmystyq Kodeksiniń 24-99 babyna sáikes qylmystyq is qozǵaldy. Aiǵaq zattar tárkilendi", - delingen habarlamada.
Kúdikti ýaqytsha ustaý izoliatoryna qamalyp, tergeý amaldary júrgizilip jatqany aityldy. Oqiǵaǵa qatysýshylardyń jeke basy anyqtalǵan. Qazirgi ýaqytta olardy ustaý boiynsha keshendi sharalar júrgizilip jatyr.
Eske salaiyq, buǵan deiin Sátbaev qalasynda belgisiz bireýler kóshede er adamdy atyp ketkeni habarlanǵan bolatyn.
