2017 jylǵy 1 naýryzdaǵy jaǵdai boiynsha zeinetaqy jinaqtarynyń jalpy somasy 6,75 trln. teńge boldy, dep habarlaidy "Ult aqparat" «BJZQ» AQ baspasóz ortalyǵyna silteme jasai otyryp.
«2017 jylǵy 1 aqpanda sharttardyń barlyq túrleri boiynsha salymshylardyń (alýshylardyń) jeke zeinetaqy shottarynyń (JZSh) sany 10,04 mln. birlik, onyń ishinde mindetti zeinetaqy jarnalary (MZJ) esebinen 9,58 mln. birlik boldy. Mindetti kásiptik zeinetaqy jarnalary boiynsha salymshylardyń JZSh sany 423,35 myń birlik, al erikti zeinetaqy jarnalary boiynsha 39,11 myń birlik boldy. Aǵymdaǵy jyldyń eki aiy ishinde túsimderdiń jalpy somasy 121,68 mlrd. teńge boldy. Áskeri qyzmetshiler men áleýetti qurylymdar qyzmetkerleriniń paidasyna 2016 jylǵy 1 qańtarǵa deiin biýdjet qarajaty esebinen aýdarylǵan mindetti zeinetaqy jarnalary somasynan 50 paiyzyn respýblikalyq biýdjetke qaitarý esepke alyna otyryp, qaitarylǵan jarnalar somasy 2017 jyldyń 1 naýryzyndaǵy jaǵdai boiynsha 0,53 mlrd. teńge boldy. 2017 jylǵy qańtar-aqpan ailarynda BJZQ-dan tólengen zeinetaqy tólemderiniń somasy 61,54 mlrd. teńge, onyń ishinde saqtandyrý uiymdaryna aýdarymdar 3,98 mlrd. teńge boldy», delingen habarlamada.
Sonymen qatar, aktsionerlik qoǵam salymshy óziniń zeinetaqy jinaqtary týraly aqparatty BJZQ-nyń 231 derbes qyzmet kórsetý ortalyǵynyń birinen, poshta bailanysy arqyly, elektrondyq poshta arqyly, BJZQ saity nemese uialy qosymsha arqyly ala alatynyn eske saldy.
