2017 جىلعى 1 ناۋرىزداعى جاعداي بويىنشا زەينەتاقى جيناقتارىنىڭ جالپى سوماسى 6,75 ترلن. تەڭگە بولدى, دەپ حابارلايدى "ۇلت اقپارات" «بجزق» اق باسپاسٶز ورتالىعىنا سٸلتەمە جاساي وتىرىپ.
«2017 جىلعى 1 اقپاندا شارتتاردىڭ بارلىق تٷرلەرٸ بويىنشا سالىمشىلاردىڭ (الۋشىلاردىڭ) جەكە زەينەتاقى شوتتارىنىڭ (جزش) سانى 10,04 ملن. بٸرلٸك, ونىڭ ٸشٸندە مٸندەتتٸ زەينەتاقى جارنالارى (مزج) ەسەبٸنەن 9,58 ملن. بٸرلٸك بولدى. مٸندەتتٸ كەسٸپتٸك زەينەتاقى جارنالارى بويىنشا سالىمشىلاردىڭ جزش سانى 423,35 مىڭ بٸرلٸك, ال ەرٸكتٸ زەينەتاقى جارنالارى بويىنشا 39,11 مىڭ بٸرلٸك بولدى. اعىمداعى جىلدىڭ ەكٸ ايى ٸشٸندە تٷسٸمدەردٸڭ جالپى سوماسى 121,68 ملرد. تەڭگە بولدى. ەسكەري قىزمەتشٸلەر مەن ەلەۋەتتٸ قۇرىلىمدار قىزمەتكەرلەرٸنٸڭ پايداسىنا 2016 جىلعى 1 قاڭتارعا دەيٸن بيۋدجەت قاراجاتى ەسەبٸنەن اۋدارىلعان مٸندەتتٸ زەينەتاقى جارنالارى سوماسىنان 50 پايىزىن رەسپۋبليكالىق بيۋدجەتكە قايتارۋ ەسەپكە الىنا وتىرىپ, قايتارىلعان جارنالار سوماسى 2017 جىلدىڭ 1 ناۋرىزىنداعى جاعداي بويىنشا 0,53 ملرد. تەڭگە بولدى. 2017 جىلعى قاڭتار-اقپان ايلارىندا بجزق-دان تٶلەنگەن زەينەتاقى تٶلەمدەرٸنٸڭ سوماسى 61,54 ملرد. تەڭگە, ونىڭ ٸشٸندە ساقتاندىرۋ ۇيىمدارىنا اۋدارىمدار 3,98 ملرد. تەڭگە بولدى», دەلٸنگەن حابارلامادا.
سونىمەن قاتار, اكتسيونەرلٸك قوعام سالىمشى ٶزٸنٸڭ زەينەتاقى جيناقتارى تۋرالى اقپاراتتى بجزق-نىڭ 231 دەربەس قىزمەت كٶرسەتۋ ورتالىعىنىڭ بٸرٸنەن, پوشتا بايلانىسى ارقىلى, ەلەكتروندىق پوشتا ارقىلى, بجزق سايتى نەمەسە ۇيالى قوسىمشا ارقىلى الا الاتىنىن ەسكە سالدى.
