Foto: NewTimes.kz
Zeinetaqy jinaqtarynyń 2026 jylǵa arnalǵan eń tómengi jetkiliktilik shegin Biryńǵai jinaqtaýshy zeinetaqy qory resmi saitynda jariialandy, dep habarlaidy Ult.kz.
Onda 2026 jyly TJSh mólsheri orta eseppen 10% óskeni jazylǵan.
"Zeinetaqy jinaqtarynyń eń tómengi jetkiliktilik shegi aǵymdaǵy jáne boljamdy áleýmettik-ekonomikalyq kórsetkishterge, eń tómengi zeinetaqy mólsherine, eń tómengi jalaqyǵa, eń tómengi kúnkóris deńgeiine, sonymen qatar infliatsiia men investitsiialyq kiristilikke súiene otyryp esepteledi", – delingen BJZQ resmi saity jariialaǵan aqparatta.
TJSh esepteýde 2026 jylǵa arnalǵan mynadai áleýmettik-ekonomikalyq kórsetkishter eskerilip, paidalanylǵan.
- – Eń tómengi jalaqy mólsheri – 85 000 teńge;
– Zeinetaqynyń eń tómengi mólsheri – 69 049 teńge;
– Eń tómengi kúnkóris deńgeii – 50 851 teńge.
Eske salaiyq, TJSh – bul salymshyny ai saiynǵy zeinetaqynyń eń tómengi mólsherinen tómen emes mólsherde qamtamasyz etý úshin qajetti zeinetaqy jinaqtarynyń eń tómengi mólsheri.
"Osylaisha, 2026 jyly TJSh mólsheri orta eseppen 10%-ǵa ósti. Bul jalpy infliatsiianyń aǵymdaǵy jáne boljamdy mánderine sáikes keledi", – dep jazylǵan málimette.
