BZJQ zeinetaqy aktivteriniń investitsiialyq qorjynynyn jariialady, dep habarlaidy QazAqparat tilshisi.
BJZQ AQ baspasóz qyzmeti taratqan aqparatqa sáikes, 2017 jyldyń alǵashqy alty aiynda 205,7 mlrd teńge taza investitsiialyq tabys túsken.
Búgingi tańda Qordyń zeinetaqy aktivteri birneshe baǵytta investitsiialanǵan.
«Sonymen qorjyndaǵy negizgi qarjy quraly - «Qazaqstan Respýblikasynyń memlekettik qundy qaǵazdary». Olardyń úles salmaǵy - 42,43%. Al 2017 jyldyń maýsymda 126,55 mlrd teńgege artyp, 3 028, 74 mlrd teńge.
Ekinshi orynda «Qazaqstan Respýblikasynyń ekinshi deńgeidegi bankteriniń obligatsiialary». Olardyń paiyzdyq úlesi - 19,13%. Bul obligatsiialardyń aǵymdaǵy quny 1 365,84 mlrd teńge bolyp otyr.
Úshinshi orynǵa «Qazaqstan Respýblikasynyń kvazimemlekettik uiymdarynyń obligatsiialary» ornalasty. Olardyń úlesi - 11,32%. Al aǵymdaǵy quny 808,13 mlrd teńge boldy», - dedi baspasóz qyzmetinen.
Mamandardyń aitýynsha, negizinen qarjy quraldary teńgede (72,78%), AQSh dollarynda (26,60%) jáne Resei rýblinde (0,48%) investitsiialanǵan.
Esterińizge sala keteiik, zeinetaqy aktivteri boiynsha investitsiialyq tabystyń kólemi qarjy naryǵyndaǵy ahýaldarǵa jáne QR Ulttyq Bankiniń zeinetaqy aktivterin investitsiialaǵan qarjy quraldarynyń baǵasyna táýeldi.
Ulttyq Bank óziniń investitsiialyq strategiiasynda uzaq merzimdi keleshekte tabystylyqtyń teńdestirilgen deńgeiin qamtamasyz etý maqsatynda ártaraptandyrylǵan investitsiialyq qorjyn tujyrymdamasyn ustanyp keledi. Sondyqtan da investitsiialyq qorjyn ár túrli qarjy quraldarynan turady.
2017 jylǵy 1 shildede BJZQ zeinetaqy aktivteriniń jalpy quny jeke zeinetaqy shottaryndaǵy aqshalardy esepke almaǵanda 7 138,97 mlrd teńge bolǵan. Bul jyl basyndaǵy kórsetkishpen (6 680,14 mlrd teńge) salystyrǵanda 458,83 mlrd teńgege artyq.
Zeinetaqy aktivteriniń portfelin basqarý boiynsha investitsiialyq qyzmet týraly tolyqqandy aqparat BJZQ-nyń resmi saitynda jariialanǵan.
