BJZQ-dan beriletin eń tómengi ai saiynǵy tólem men birjolǵy tólem mólsheri ulǵaityldy, - dep habarlaidy zeinetaqy qorynyń baspasóz qyzmeti.
Qazaqstan Respýblikasynyń prezidenti Q. Toqaevtyń tapsyrmalaryn oryndaý maqsatynda jáne QR "2020-2022 jyldarǵa arnalǵan respýblikalyq biýdjet týraly" Zańǵa 2020 jyldyń 1 sáýirinen bastap eń tómengi zeinetaqy (TZ) mólsherin 38 636 teńgeden 40 441 teńgege deiin, eń tómengi kúnkóris (TK) shamasyn 31 183 teńgeden 32 668 teńgege deiin ulǵaitý kózdelgen ózgerister men tolyqtyrýlar negizinde BJZQ-dan beriletin tólemder mólsheri arttyrylǵan.
Tólem kestesi boiynsha ai saiyn júzege asyrylatyn eń tómengi tólem mólsheri 17 640,72 teńge (tómengi kúnkóris deńgeiiniń 54%) (buryn 16 838,82 teńge); Bir ret birjolǵy beriletin zeinetaqy tóleminiń mólsheri, iaǵni ótinish bergen kúndegi zeinetaqy jinaǵynyń somasy eń tómengi zeinetaqynyń on eki eselengen mólsherinen aspaityn somany quraǵan jaǵdai - 485 292 teńge (buryn 463 632 teńge).
Buǵan qosa memlekettik bazalyq zeinetaqy tóleminiń (bazalyq zeinetaqy) jáne memlekettik biýdjetten tólenetin jasyna bailanysty zeinetaqy tóleminiń mólsheri ulǵaitylǵandyǵy kórsetilgen.
Bazalyq zeinetaqynyń eń tómengi mólsheri jiyntyq eńbek ótili men zeinetaqy júiesine qatysý ótili 10 jyldan kem merzimdi quraityn adamdar úshin endi 17 641 teńgege (buryn 16 839 teńge) teń. Árbir eńbek etken jyly úshin tómengi kúnkóris deńgeiiniń 2% qosylady. Eńbek ótili 33 jyl jáne odan kóp bolsa, bazalyq zeinetaqynyń eń joǵarǵy mólsheri tómengi kúnkóris deńgeiiniń 100% nemese 32 668 teńgeni quraidy.
Eń tómengi zeinetaqy mólsheri 40 441 teńgege deiin ósti, bul jasy boiynsha eseptelgen zeinetaqy tóleminiń tolyq kólemdegi mólsheri eń tómengi zeinetaqy mólsherinen kem emes kólemde taǵaiyndalatyn adamdarǵa qatysty.
Memleket basshysynyń tapsyrmasy boiynsha zeinetaqy men memlekettik járdemaqylardy 10% jyldyq mánge indeksteý júrgizildi.
2020 jyldyń 1 qańtarynan bastap infliatsiia deńgeiin 5%-ǵa, al jasy boiynsha jáne eńbek sińirgen jyldary úshin zeinetaqy tólemderin 7%-ǵa (infliatsiia deńgeiinen 2%-ǵa ozýmen) eskere otyryp, bazalyq zeinetaqy mólsherin jyl saiynǵy indeksteý júrgizildi.
2020 jyldyń 1 sáýirinen bastap jasy jáne eńbek sińirgen jyldary úshin zeinetaqy tólemderiniń mólsheri alyp otyrǵan kólemnen qosymsha 5%-ǵa artty. Osylaisha qazaqstandyqtardyń bazalyq zeinetaqy tólemderi, jasyna bailanysty zeinetaqy tólemderi jáne BJZQ-dan beriletin jinaqtaýshy zeinetaqy tólemderiniń jiyntyq mólsheri ósti.
BJZQ 2013 jyly 22 tamyzda "GNPF" JZQ" AQ negizinde quryldy. BJZQ quryltaishysy jáne aktsioneri – Qazaqstan Respýblikasy Qarjy ministrliginiń "Memlekettik múlik jáne jekeshelendirý komiteti" MM arqyly Qazaqstan Respýblikasynyń Úkimeti. BJZQ zeinetaqy aktivterin senimgerlikpen basqarýdy Qazaqstan Respýblikasynyń Ulttyq Banki júzege asyrady. 2016 jylǵy 1 qańtardan bastap zeinetaqy aktivterin basqarý tiimdiligin arttyrý boiynsha usynystar jasaý qyzmeti Ulttyq qordy basqarý keńesine berildi. Zeinetaqy zańnamasyna sáikes BJZQ mindetti zeinetaqy jarnalaryn, mindetti kásiptik zeinetaqy jarnalaryn, erikti zeinetaqy jarnalaryn tartýdy, zeinetaqy tólemderin, zeinetaqy jinaqtary men tólemderin jeke esepke alýdy júzege asyrady, salymshyǵa (alýshyǵa) zeinetaqy jinaqtarynyń jai-kúii týraly tolyǵyraq www.enpf.kz saitynda aqparat beriletindigi jazylǵan.
