«Biryńǵai jinaqtaýshy zeinetaqy qory» qordaǵy qarjyny merziminen buryn maqsatty paidalaný qadamdaryn túsindirip jáne 2021 jyly alýǵa bolatyn «shekti» somanyń kestesin jariialady, dep habarlaidy "Ult aqparat".
Maqsatty paidalaný úshin qoljetimdi zeinetaqy jinaqtarynyń somasy týraly aqparatty jáne zeinetaqy jinaqtarynyń jai-kúii týraly derekterdi mynadai tásildermen alýǵa bolady:
1. BJZQ saity jáne salymshynyń Jeke kabineti arqyly. Ol úshin JSN men qupiiasózdi engizý qajet, nemese elektrondyq tsifrlyq qoltańba (ETsQ) bolýy kerek.
Sonymen qatar, biz sizderge zeinetaqy jinaqtarynyń jaǵdaiy týraly aqparat alýǵa múmkindik beretin qosymsha cabinet.enpf.kz/porog týraly aqparat beremiz: zeinetaqy shotyndaǵy qaldyq, shekti soma, alýǵa bolatyn soma. Bul aqparatty alý úshin tek ESQ kiltimen qol qoiý kerek. ESQ-ny Ulttyq sertifikattaý ortalyǵynyń saitynda alýǵa bolady.
2. Zeinetaqy jinaqtarynyń jai-kúii týraly aqparat egov.kz saitynda jáne eGov mobile mobildi qosymshasy arqyly qoljetimdi. Ol úshin paidalanýshylarǵa elektrondy-tsifrlyq qoltańba (ETsQ) qajet.
Egov.kz saitynyń bas mázirinde «Áleýmettik qamsyzdandyrý», odan ári «Zeinetaqymen qamsyzdandyrý» qosymsha betine ótińiz, odan keiin «Biryńǵai jinaqtaýshy zeinetaqy qory salymshysynyń (alýshysynyń) zeinetaqy jinaqtarynyń (investitsiialyq kiristi eskere otyryp) jai-kúii týraly aqparat berý» qosymsha paraqshasy arqyly nemese silteme boiynsha ótip bilýge bolady.
eGov mobile mobildi qosymshasynyń «Qyzmetter», odan ári «Jumysqa ornalastyrý jáne jumyspen qamtý» bólimine ótińiz, sodan keiin «Biryńǵai jinaqtaýshy zeinetaqy qory salymshysynyń (alýshysynyń) zeinetaqy jinaqtarynyń (investitsiialyq kiristi eskere otyryp) jai-kúii týraly aqparat» qosymsha betine ótý arqyly.
Sonymen qatar, BJZQ 2021 jylǵa arnalǵan zeinetaqy jinaǵynyń jetkiliktilik shegin jariialady.
