Biryńǵai jiyntyq tólemdi (budan ári – BJT) tóleýshi azamattardan Memlekettik áleýmettik saqtandyrý qorynan eń tómengi jalaqy – 42 500 teńge mólsherindegi birjolǵy tólem tóleýge ótinishter qabyldaý bastaldy.
Bul týraly QR Eńbek jáne halyqty áleýmettik qorǵaý ministrliginiń resmi saitynan málim boldy, dep habarlaidy QazAqparat.
Aǵymdaǵy jyldyń shilde aiynda shekteý sharalarynyń engizilýine bailanysty tabysyn joǵaltqan, BJT tóleýshi bolyp tabylatyn ózin-ózi jumyspen qamtyǵan azamattar «42 000 teńge» tólemine kelesi arnalar arqyly ótinish bere alady:
– egov.kz – «elektrondyq úkimet» veb-portaly;
– 42500.enbek.kz portaly;
– telegram-bottar;
– Aitu messendjerindegi 42500.enbek.kz qosymshasy;
– homebank.kz portaly.
Tólemdi proaktivti taǵaiyndaýǵa kelisim bergen azamattarǵa ótinim berýdiń qajeti joq, sebebi sms-ke jaýap jiberý avtomatty túrde ótinim berý bolyp tabylady.
Budan buryn habarlanǵandai, 16 shildeden bastap BJT tóleýshi bolyp tabylatyn adamdar úshin sms-habarlama jiberý arqyly birjolǵy tólemdi taǵaiyndaý boiynsha proaktivti qyzmet kórsetiledi.
