Úkimettiń búgingi otyrysynda QR Qarjy ministri Baqyt Sultanov alǵashqy úi aida biýdjetti igerý sharalary jaiynda baiandap berdi, dep xabarlaidy Ult.kz tilshisi QazAqparat agenttigine silteme jasap.
Onyń aitýynsha, qazirgi kezde barlyq deńgeidegi biýdjetterdiń kiristeri artyǵymen oryndalyp otyr. Máselen, respýblikalyq biýdjetke 1 trln. 157 mlrd. teńge kiris tústi. Ol bastapqy jospardan 52 mlrd. teńgege, al ótken jyldyń alǵashqy toqsanymen salystyrǵanda 137 mlrd. teńgege artyq. Al jergilikti biýdjetterdiń óz kiristeri 136 mlrd. teńgege artyǵymen oryndalyp, 540 mlrd. teńgeni qurady. Osynyń arqasynda biýdjet aqshasyn el ekonomikasyna kóptep quiýǵa múmkindik týdy. «Biýdjet qarajatynyń igerilmeýi eki esege azaidy. Ústimizdegi jyldyń biýdjetin tiimdi ári tolyqqandy oryndalýyn qamtamasyz etý úshin onlain monitoring qolǵa alyndy. Qurylys salasyndaǵy memlekettik satyp alýdy qazynashylyq baqylaý jáne iri satyp alýlarda tenderlerdi ortalyqtandyrý arqyly otandyq óndirýshilerdi qoldaýǵa arnalǵan pilottyq jobalar bastaldy», - dep atap kórsetti Sultanov.
Aita keteiik, Úkimettiń búgingi otyrysynda elimizdiń áleýmettik-ekonomikalyq damýy boiynsha alǵashqy úsh aidyń qorytyndysy qaraldy. QR Ulttyq ekonomika ministri Timýr Súleimenovtyń aitýynsha, búginde xalyqtyń nesieni teńgemen kóptep ala bastaǵany baiqalǵan. Budan bólek, ortasha jalaqynyń kólemi de ósip otyr.
.jpeg)