Qasym-Jomart Toqaevtyń tóraǵalyq etýimen Parlament Senaty biýrosynyń otyrysy boldy. Biýro músheleri joǵarǵy palatanyń 17 qarashada bolatyn otyrysynyń kún tártibin kelisti, dep habarlady Senattyń baspasóz qyzmeti.
Senatorlar salyq salý jáne keden ákimshilendirý máseleleri jónindegi zańnamaǵa túzetýlerdi birinshi oqylymda talqylaityn boldy.
Sondai-aq, palata memlekettiń negizgi qarjy qujattarynyń: «Qazaqstan Respýblikasynyń Ulttyq qorynan 2017-2019 jyldarǵa arnalǵan kepildendirilgen transfert týraly»; «Respýblikalyq jáne oblystyq biýdjetter, respýblikalyq mańyzy bar qala, astana biýdjetteri arasyndaǵy 2017-2019 jyldarǵa arnalǵan jalpy sipattaǵy transfertterdiń kólemi týraly»; «2017-2019 jyldarǵa arnalǵan respýblikalyq biýdjet týraly» zań jobalaryn qaraidy.
Senat basshysy elimizdiń negizgi qarjy qujattary bolyp tabylatyn zań jobalarynyń mańyzdylyǵyna biýro músheleriniń airyqsha nazaryn aýdardy. Q.Toqaev senatorlardy bul zańnamalardy talqylaýǵa muqiiat ázirlenýge shaqyrdy.
Tóraǵa biýro múshelerin aldaǵy parlamenttik sharalarmen tanystyrdy. 18 qarashada Senatta «Qazaqstan Respýblikasyndaǵy biologiialyq alýantúrlilikti saqtaýdy zańnamalyq qamtamasyz etýdiń ózekti máseleleri» taqyrybyna arnalǵan parlamenttik tyńdaý ótedi. 23-25 qarasha kúnderi elimizdiń parlamenttik delegatsiiasy Sankt-Peterbýrg qalasynda ótetin UQShU PA jáne TMD PAA sharalaryna qatysady. Neva jaǵalaýyndaǵy qalada mańyzdy tarihi oqiǵa – Resei imperiiasynyń alǵashqy Memlekettik Dýmasyna Semei oblysynan depýtat bolǵan Álihan Bókeihanovtyń biýsti tartý etiledi. Kórnekti saiasi qairatkerdiń 150 jyldyq mereitoiy IýNESKO aiasynda merekelenedi.
.jpeg)