«Talap» qoldanbaly zertteýler ortalyǵynyń direktory Rahym Oshaqbaev «Ashyq biýdjet» jobasynyń negizgi maqsatyn atady, dep habarlaidy QazAqparat.
«Biýdjettik júiege qatysty aitar bolsaq, biz jemqorlyq pen tiimsizdik, transparenttilik pen eseptiliktiń kemshiligi, shekteýli qujat qarajatyn tiimdi jumsaý syndy qubylystardan úlken zardap shegip otyrǵanymyz sózsiz. Bul turǵyda búkil álemde «ashyq biýdjet» degen túsinik bar. Onyń maqsaty - transparenttilik pen eseptilik. Árine, joǵary standarttar, damyǵan demokratiia standarttary bar. Degenmen, máselen, Frantsiia syndy demokratiiasydaǵyn elde azamattar biýdjettik júiesiniń qalai jumys isteitindigin, onyń tiimdiligin, salyq salýdyń qandai deńgeii bar ekendigin, ol halyqtyń ál-aýqatyn arttyrýǵa septigi tigize alatyndyǵyn bile bermeidi»,- dedi ol IX Azamattyq forým aiasynda ótip jatqan «Azamattyq qoǵam jemqorlyqqa qarsy» taqyrybyndaǵy alańda.
Onyń atap ótýinshe, Qazaqstannyń da aldynda bul problema ótkir tur.
«Sondyqtan áriptesterimizben biýdjet ashyqtyǵy men eseptiligi problemasyn kóterip júrmiz. Sybailas jemqorlyqqa qarsy is-qimyl agenttiginiń arqasynda bul máselege nazar aýdarta aldyq. «Ashyq biýdjet» jobasyna bastamashylyq jasadyq. Onyń maqsaty - ashyq biýdjet, eseptilik ustanymdaryn keńinen nasihattaý jáne azamattyq belsendilerdi qarajattyń jumsalýyn baǵalaýǵa, monitoringke jumyldyrý. Qazir aldymyzda biýdjet qarajaty jumsalýynyń tiimdiligi men transparenttiligin baǵalaý, olardy óńirlik deńgeide bólý jáne josparlaý múmkindikterin kásibi baǵalaityn agenttik (Sybailas jemqorlyqqa qarsy is-qimyl agenttigi) mamandarynyń, volonterlerdiń óńirlik jelisin qurý mindeti bar», - dedi ortalyq direktory.
