Qarjy ministri Erulan Jamaýbaev biýdjet qarajatynyń kóp kólemi igerilmegen ministrlikterdi atady. Olar - densaýlyq saqtaý, mádeniet jáne sport, syrtqy ister jáne ekologiia, geologiia jáne tabiǵi resýrstar ministrlikteri, - dep habarlaidy Tengrinews.kz.
Úkimet otyrysynda Jamaýbaev respýblikalyq biýdjet boiynsha tórt trillion teńgege jýyq shyǵyn jumsalǵanyn aitty.
"Oryndalmaǵan qarjy 20 milliard teńge, onyń 5 milliard teńgesi - únemdeý. 15 milliard teńge igerilmedi. Qarjy igerilmeýdiń eń kóp kólemi Qazaqstan Respýblikasynyń densaýlyq saqtaý, mádeniet jáne sport, syrtqy ister, ekologiia, geologiia jáne tabiǵi resýrstar ministrlikterinde", - dedi ol.
