Ótken jyly jol qozǵalysy erejesin buzýdyń 2,6 million faktisi beinekamera arqyly anyqtaldy. Bul týraly QR ishki ister ministrliginiń Facebook-paraqshasynda ótken tikelei efirde aityldy, dep habarlaidy "Ult aqparat".
«Ótken jyly 5 jarym myńnan astam qylmystyq is boiynsha sotqa deiingi tergeý elektrondyq formatta júrgizildi. Sottalǵandardy ustaý jaǵdailary jaqsardy. Týystarymen beinekezdesý, internet-dúkenderden jekelegen taýarlarǵa tapsyrystar engizildi, basqa instantsiialarǵa elektrondyq ótinishter berý úshin terminaldar ornatyldy», - deidi QR IIM resmi ókili Nurdildá Oraz.
Onyń aitýynsha, eldegi árbir ekinshi jol-kólik oqiǵasy beinekamera arqyly anyqtalǵan.
«Mysaly, ótken jyly 2,6 million jol qozǵalysy erejesin buzýshylyq beinekamera arqyly anyqtaldy. Azamattarymyzdyń qaýipsizdigi men tynyshtyǵyn qamtamasyz etý úshin ministrlik biyl iske asyratyn basqa pilottyq jobalardyń ishinde balanyń ornalasqan jerin baqylaýǵa múmkindik beretin «Meni tap« balalar qaýipsizdigi júiesi bar. Sondai-aq, kóshedegi Jedel shaqyrý «SOS túimesi» - ony basqan kezde quqyq buzýshylyq týraly habarlaýǵa nemese politsiiaǵa kómekke júginýge bolady», - deidi ol.
