Foto:russiantourism.ru
2024 jyly Qytaidan kelgen týrister legi 655 myń adamdy qurady, bul 2023 jylmen salystyrǵanda 78%-ǵa kóp, dep habarlaidy Ult.kz.
"Kórsetkish Qytai azamattarynyń mádeni jáne tabiǵi muramyzǵa degen qyzyǵýshylyǵynyń artyp kele jatqanyn kórsetedi", -deidi QR TSM Týrizm indýstriiasy komitetiniń tóraǵasy Nurtas Káripbaev.
Sonymen qatar, N. Káripbaevtyń sózinshe týrizm jyly aiasynda óńirler, týrkompaniialar, agenttikter men media platformalar arasynda 200-den astam kelisimge qol qoiyldy. 1,3 mlrd-tan astam aýditoriiasy bar qytailyq iri media men áleýmettik jelilerde Qazaqstan týraly habar tarap, bul elimizdiń týristik baǵyt retinde tanylýyn aitarlyqtai arttyrýǵa múmkindik berdi.
Resmi túrde 2025 jyl Qytaidyń Qazaqstandaǵy týrizm jyly bolyp jariialanǵanyn atap ótý kerek.
