Foto: Qazatomónerkásiptiń baspasóz qyzmeti
Ýran óndirý kólemi 23 myń tonnadan asty, al kompaniialar toby boiynsha satý kólemi 16,5 myń tonnadan asty, dep habarlaidy Ult.kz.
2023 jylmen salystyrǵanda kiris 26%-ǵa ósip, rekordtyq 1,8 trln teńgege jetti.
Qazatomónerkásip holdingi boiynsha Qazaqstan biýdjetine 723 mlrd teńgeden astam salyq aýdaryldy, onyń ishinde 31 mlrd teńgeden astamy óńirlik biýdjetterge jiberildi.
«Álemde atom energetikasyna degen qyzyǵýshylyq artyp keledi.
Sondyqtan, kompaniianyń pozitsiiasyn nyǵaitý úshin aldaǵy on jylǵa arnalǵan jańartylǵan damý strategiiasyn qabyldadyq.
Biz negizgi baǵytymyz – ýran óndirýge basa nazar aýdaramyz. Sonymen qatar, ekonomikalyq parametrlerdi eskere otyryp, iadrolyq otyn tsiklin damytýdy qarastyramyz.
Sirek jáne sirek jer metaldarynyń baǵyty men ǵylymi-zertteý qyzmetin odan ári damytatyn bolamyz», delingen habarlamada.
Memleket basshysynyń tapsyrmasyna sáikes, kompaniia resýrstyq bazany keńeitý jáne tiimdi paidalaný boiynsha jumysty jalǵastyrady.
2024 jyly Túrkistan oblysynda shamamen 170 myń tonna boljamdy áleýeti bar ýrandy barlaýǵa jańa litsenziia aldy.
Sonymen qatar, «Inkai» ken ornynyń №3 ýchaskesinde ýrandy tájiribelik-ónerkásiptik óndiretin kelisimshartqa qol qoiyldy. Bul ýchaske 83 myń tonnadan astam qory bar Qazaqstandaǵy negizgi ýran ken oryndarynyń biri.
Jer qoinaýyn paidalaný quqyǵy bizdiń 100% enshiles uiym – «Qazatomónerkásip-SaUran»-ǵa berildi.
«Qazatomónerkásip ýran óndirýmen ǵana ainalyspaidy – biz úshin iadrolyq otyn tsiklin damytý da mańyzdy.
Úlbi metallýrgiia zaýytynda otyn tabletkalary, al «Úlbi-TVS» zaýytynda jylý bóletin quramalar, iaǵni, AES úshin daiyn iadrolyq otyn óndiriledi.
Ótken jyldyń mańyzdy jetistigi – «Úlbi-TVS» tolyq jobalyq qýatqa shyqty. Bul jylyna TVS túrindegi 200 tonna tómen baiytylǵan ýranǵa teń. Qazaqstan Ortalyq Aziiadaǵy osyndai óndirisi bar jalǵyz el sanalady.
Biz sondai-aq tantal, niobii jáne berillii siiaqty sirek metaldardyń mineraldy-shikizat bazasyn toltyramyz, óitkeni olarǵa álemdik suranys ósip keledi», delingen habarlamada.
Ótken jyly Qazatomónerkásip Aqtóbe, Abai jáne Ulytaý oblystaryndaǵy ken oryndaryn barlaýǵa litsenziia aldy.
Qorlardy baǵalaý jáne dáleldeý úshin geologiialyq barlaý jumystaryn júrgizý josparlanyp otyr.
Kompaniia satýdy ártaraptandyrýdy jáne treiding fýnktsiiasyn damytýdy jalǵastyrady.
Bul jetkizý geografiiasyn keńeitýge jáne naryq qajettilikterine ikemdi jaýap berýge múmkindik beredi.
«Ótken jyly biz 8 eldegi 19 klientke ónim sattyq. Bul rette Birikken Arab Ámirlikteri (BAÁ) men Kanadadaǵy klientterge alǵashqy jetkizilimder júzege asyryldy. Sondai-aq, shveitsariialyq energetikalyq kompaniiamen alǵashqy kelisimshart jasaldy.
Biz halyqaralyq yntymaqtastyqty keńeitip jatyrmyz.
Tájikstanmen sirek jáne sirek jer metaldar baǵytyn damytý boiynsha, al Frantsiiamen bilim berý jáne atom salasy úshin kadrlar daiarlaý salasynda memorandýmǵa qol qoiyldy.
Mońǵoliianyń aýmaǵynda ýrandy barlaý jáne óndirý jobalaryn zerdeleý týraly ýaǵdalastyqqa qol jetkizildi», delingen habarlamada.
Óndiristik qaýipsizdik eń basty basymdyq bolyp qala beredi. 2024 jyldyń qorytyndysy boiynsha Qazatomónerkásip osy saladaǵy jetistikteri úshin «Samuryq-Qazyna» qorynyń portfeldik kompaniialary arasynda birinshi oryndy ielendi.
Eńbekti qorǵaý, órt jáne ónerkásiptik qaýipsizdik jónindegi baǵdarlamalarǵa shamamen 13 mlrd teńge jumsaldy.
Strategiiada aldyńǵy qatarly biznes jáne ESG-tájiribelerin jetildirý mańyzdy oryn alady.
Ekologiia, áleýmettik jaýapkershilik jáne korporativtik basqarý salasyndaǵy úzdik halyqaralyq standarttardy engizemiz.
Ekologiia máselelerine erekshe nazar aýdarylady. 2024 jyly qorshaǵan ortany qorǵaý jónindegi is-sharalarǵa 1 mlrd teńgeden astam qarjy bólindi.
«Biz qyzmetkerlerimizdiń, olardyń otbasylarynyń jáne óńirlerdegi turǵyndardyń ómir súrý sapasyn jaqsartýǵa baǵyttalǵan áleýmettik jobalardy damytýdy jalǵastyramyz. 2024 jyly osyndai bastamalardy iske asyrýǵa 3,7 mlrd teńgeden astam qarajat jumsaldy.
Óńirlerdiń áleýmettik-ekonomikalyq damýyna qosymsha 4 mlrd teńge bólindi», delingen habarlamada.
Sondai-aq ǵylymi-zertteý qyzmetin damytady. Ótken jyly birneshe iri bastamalar aiaqtaldy:
- balqytý qyshqylyn paidalana otyryp, uńǵymalardy jóndeý-qalpyna keltirý jumystarynyń tehnologiiasy ázirlendi;
- óndiristik protsesterdi avtomattandyrý úshin eki robototehnikalyq keshen jasaldy;
- ammiakty óndiris protsesine qaitarý tehnologiiasy ázirlendi;
- qýaty 30 kVt-qa deiin elektr energiiasyn óndirýge arnalǵan qyshqylǵa tózimdi tájiribelik qondyrǵy quryldy.
Sferoidtalǵan metall untaqtaryn alý tehnologiiasyn ázirleý jobasyn daiyndap jatyr.
Sondai-aq, AQSh, Japoniia jáne otandyq ǵylymi uiymdarymen birlesip, meditsinalyq maqsattaǵy radioizotoptardy alý tehnologiiasyn igerý boiynsha jumys júrgizilýde.
Taǵy bir mańyzdy baǵyt – ol ýran óndirý kezinde qundy komponentterdi ilespe túrde alý.
Mysaly, skandii men vanadiidi túzý múmkindikteri zerttelýde. Sonymen qatar, ammonii perrenatyn alý úshin mobildi qondyrǵy quryldy.
Ǵylymi jobalardy engizýdiń ekonomikalyq áseri 2024 jyly shamamen 1,7 mlrd teńgeni qurady.
Kompaniia óndiristik protsesterdi ońtailandyrýǵa, daiyn ónimniń ózindik qunyn tómendetýge jáne qorshaǵan ortaǵa áserdi azaitýǵa baǵyttalǵan zertteýlerge investitsiia salýdy jalǵastyrady.
Osylaisha, Qazatomónerkásip álemdik atom salasyndaǵy Qazaqstannyń bedelin nyǵaityp qana qoimai, el ekonomikasy men óńirlerdiń damýyna da eleýli úles qosady.
