فوتو: قازاتومٶنەركەسٸپتٸڭ باسپاسٶز قىزمەتٸ
ۋران ٶندٸرۋ كٶلەمٸ 23 مىڭ توننادان استى, ال كومپانييالار توبى بويىنشا ساتۋ كٶلەمٸ 16,5 مىڭ توننادان استى, دەپ حابارلايدى Ult.kz.
2023 جىلمەن سالىستىرعاندا كٸرٸس 26%-عا ٶسٸپ, رەكوردتىق 1,8 ترلن تەڭگەگە جەتتٸ.
قازاتومٶنەركەسٸپ حولدينگٸ بويىنشا قازاقستان بيۋدجەتٸنە 723 ملرد تەڭگەدەن استام سالىق اۋدارىلدى, ونىڭ ٸشٸندە 31 ملرد تەڭگەدەن استامى ٶڭٸرلٸك بيۋدجەتتەرگە جٸبەرٸلدٸ.
«ەلەمدە اتوم ەنەرگەتيكاسىنا دەگەن قىزىعۋشىلىق ارتىپ كەلەدٸ.
سوندىقتان, كومپانييانىڭ پوزيتسيياسىن نىعايتۋ ٷشٸن الداعى ون جىلعا ارنالعان جاڭارتىلعان دامۋ ستراتەگيياسىن قابىلدادىق.
بٸز نەگٸزگٸ باعىتىمىز – ۋران ٶندٸرۋگە باسا نازار اۋدارامىز. سونىمەن قاتار, ەكونوميكالىق پارامەترلەردٸ ەسكەرە وتىرىپ, يادرولىق وتىن تسيكلٸن دامىتۋدى قاراستىرامىز.
سيرەك جەنە سيرەك جەر مەتالدارىنىڭ باعىتى مەن عىلىمي-زەرتتەۋ قىزمەتٸن ودان ەرٸ دامىتاتىن بولامىز», دەلٸنگەن حابارلامادا.
مەملەكەت باسشىسىنىڭ تاپسىرماسىنا سەيكەس, كومپانييا رەسۋرستىق بازانى كەڭەيتۋ جەنە تيٸمدٸ پايدالانۋ بويىنشا جۇمىستى جالعاستىرادى.
2024 جىلى تٷركٸستان وبلىسىندا شامامەن 170 مىڭ توننا بولجامدى ەلەۋەتٸ بار ۋراندى بارلاۋعا جاڭا ليتسەنزييا الدى.
سونىمەن قاتار, «ينكاي» كەن ورنىنىڭ №3 ۋچاسكەسٸندە ۋراندى تەجٸريبەلٸك-ٶنەركەسٸپتٸك ٶندٸرەتٸن كەلٸسٸمشارتقا قول قويىلدى. بۇل ۋچاسكە 83 مىڭ توننادان استام قورى بار قازاقستانداعى نەگٸزگٸ ۋران كەن ورىندارىنىڭ بٸرٸ.
جەر قويناۋىن پايدالانۋ قۇقىعى بٸزدٸڭ 100% ەنشٸلەس ۇيىم – «قازاتومٶنەركەسٸپ-SaUran»-عا بەرٸلدٸ.
«قازاتومٶنەركەسٸپ ۋران ٶندٸرۋمەن عانا اينالىسپايدى – بٸز ٷشٸن يادرولىق وتىن تسيكلٸن دامىتۋ دا ماڭىزدى.
ٷلبٸ مەتاللۋرگييا زاۋىتىندا وتىن تابلەتكالارى, ال «ٷلبٸ-تۆس» زاۋىتىندا جىلۋ بٶلەتٸن قۇرامالار, ياعني, اەس ٷشٸن دايىن يادرولىق وتىن ٶندٸرٸلەدٸ.
ٶتكەن جىلدىڭ ماڭىزدى جەتٸستٸگٸ – «ٷلبٸ-تۆس» تولىق جوبالىق قۋاتقا شىقتى. بۇل جىلىنا تۆس تٷرٸندەگٸ 200 توننا تٶمەن بايىتىلعان ۋرانعا تەڭ. قازاقستان ورتالىق ازيياداعى وسىنداي ٶندٸرٸسٸ بار جالعىز ەل سانالادى.
بٸز سونداي-اق تانتال, نيوبيي جەنە بەريلليي سيياقتى سيرەك مەتالداردىڭ مينەرالدى-شيكٸزات بازاسىن تولتىرامىز, ٶيتكەنٸ ولارعا ەلەمدٸك سۇرانىس ٶسٸپ كەلەدٸ», دەلٸنگەن حابارلامادا.
ٶتكەن جىلى قازاتومٶنەركەسٸپ اقتٶبە, اباي جەنە ۇلىتاۋ وبلىستارىنداعى كەن ورىندارىن بارلاۋعا ليتسەنزييا الدى.
قورلاردى باعالاۋ جەنە دەلەلدەۋ ٷشٸن گەولوگييالىق بارلاۋ جۇمىستارىن جٷرگٸزۋ جوسپارلانىپ وتىر.
كومپانييا ساتۋدى ەرتاراپتاندىرۋدى جەنە ترەيدينگ فۋنكتسيياسىن دامىتۋدى جالعاستىرادى.
بۇل جەتكٸزۋ گەوگرافيياسىن كەڭەيتۋگە جەنە نارىق قاجەتتٸلٸكتەرٸنە يكەمدٸ جاۋاپ بەرۋگە مٷمكٸندٸك بەرەدٸ.
«ٶتكەن جىلى بٸز 8 ەلدەگٸ 19 كليەنتكە ٶنٸم ساتتىق. بۇل رەتتە بٸرٸككەن اراب ەمٸرلٸكتەرٸ (باە) مەن كاناداداعى كليەنتتەرگە العاشقى جەتكٸزٸلٸمدەر جٷزەگە اسىرىلدى. سونداي-اق, شۆەيتسارييالىق ەنەرگەتيكالىق كومپانييامەن العاشقى كەلٸسٸمشارت جاسالدى.
بٸز حالىقارالىق ىنتىماقتاستىقتى كەڭەيتٸپ جاتىرمىز.
تەجٸكستانمەن سيرەك جەنە سيرەك جەر مەتالدار باعىتىن دامىتۋ بويىنشا, ال فرانتسييامەن بٸلٸم بەرۋ جەنە اتوم سالاسى ٷشٸن كادرلار دايارلاۋ سالاسىندا مەموراندۋمعا قول قويىلدى.
موڭعولييانىڭ اۋماعىندا ۋراندى بارلاۋ جەنە ٶندٸرۋ جوبالارىن زەردەلەۋ تۋرالى ۋاعدالاستىققا قول جەتكٸزٸلدٸ», دەلٸنگەن حابارلامادا.
ٶندٸرٸستٸك قاۋٸپسٸزدٸك ەڭ باستى باسىمدىق بولىپ قالا بەرەدٸ. 2024 جىلدىڭ قورىتىندىسى بويىنشا قازاتومٶنەركەسٸپ وسى سالاداعى جەتٸستٸكتەرٸ ٷشٸن «سامۇرىق-قازىنا» قورىنىڭ پورتفەلدٸك كومپانييالارى اراسىندا بٸرٸنشٸ ورىندى يەلەندٸ.
ەڭبەكتٸ قورعاۋ, ٶرت جەنە ٶنەركەسٸپتٸك قاۋٸپسٸزدٸك جٶنٸندەگٸ باعدارلامالارعا شامامەن 13 ملرد تەڭگە جۇمسالدى.
ستراتەگييادا الدىڭعى قاتارلى بيزنەس جەنە ESG-تەجٸريبەلەرٸن جەتٸلدٸرۋ ماڭىزدى ورىن الادى.
ەكولوگييا, ەلەۋمەتتٸك جاۋاپكەرشٸلٸك جەنە كورپوراتيۆتٸك باسقارۋ سالاسىنداعى ٷزدٸك حالىقارالىق ستاندارتتاردى ەنگٸزەمٸز.
ەكولوگييا مەسەلەلەرٸنە ەرەكشە نازار اۋدارىلادى. 2024 جىلى قورشاعان ورتانى قورعاۋ جٶنٸندەگٸ ٸس-شارالارعا 1 ملرد تەڭگەدەن استام قارجى بٶلٸندٸ.
«بٸز قىزمەتكەرلەرٸمٸزدٸڭ, ولاردىڭ وتباسىلارىنىڭ جەنە ٶڭٸرلەردەگٸ تۇرعىنداردىڭ ٶمٸر سٷرۋ ساپاسىن جاقسارتۋعا باعىتتالعان ەلەۋمەتتٸك جوبالاردى دامىتۋدى جالعاستىرامىز. 2024 جىلى وسىنداي باستامالاردى ٸسكە اسىرۋعا 3,7 ملرد تەڭگەدەن استام قاراجات جۇمسالدى.
ٶڭٸرلەردٸڭ ەلەۋمەتتٸك-ەكونوميكالىق دامۋىنا قوسىمشا 4 ملرد تەڭگە بٶلٸندٸ», دەلٸنگەن حابارلامادا.
سونداي-اق عىلىمي-زەرتتەۋ قىزمەتٸن دامىتادى. ٶتكەن جىلى بٸرنەشە ٸرٸ باستامالار اياقتالدى:
- بالقىتۋ قىشقىلىن پايدالانا وتىرىپ, ۇڭعىمالاردى جٶندەۋ-قالپىنا كەلتٸرۋ جۇمىستارىنىڭ تەحنولوگيياسى ەزٸرلەندٸ;
- ٶندٸرٸستٸك پروتسەستەردٸ اۆتوماتتاندىرۋ ٷشٸن ەكٸ روبوتوتەحنيكالىق كەشەن جاسالدى;
- اممياكتى ٶندٸرٸس پروتسەسٸنە قايتارۋ تەحنولوگيياسى ەزٸرلەندٸ;
- قۋاتى 30 كۆت-قا دەيٸن ەلەكتر ەنەرگيياسىن ٶندٸرۋگە ارنالعان قىشقىلعا تٶزٸمدٸ تەجٸريبەلٸك قوندىرعى قۇرىلدى.
سفەرويدتالعان مەتالل ۇنتاقتارىن الۋ تەحنولوگيياسىن ەزٸرلەۋ جوباسىن دايىنداپ جاتىر.
سونداي-اق, اقش, جاپونييا جەنە وتاندىق عىلىمي ۇيىمدارىمەن بٸرلەسٸپ, مەديتسينالىق ماقساتتاعى راديويزوتوپتاردى الۋ تەحنولوگيياسىن يگەرۋ بويىنشا جۇمىس جٷرگٸزٸلۋدە.
تاعى بٸر ماڭىزدى باعىت – ول ۋران ٶندٸرۋ كەزٸندە قۇندى كومپونەنتتەردٸ ٸلەسپە تٷردە الۋ.
مىسالى, سكانديي مەن ۆانادييدٸ تٷزۋ مٷمكٸندٸكتەرٸ زەرتتەلۋدە. سونىمەن قاتار, اممونيي پەررەناتىن الۋ ٷشٸن موبيلدٸ قوندىرعى قۇرىلدى.
عىلىمي جوبالاردى ەنگٸزۋدٸڭ ەكونوميكالىق ەسەرٸ 2024 جىلى شامامەن 1,7 ملرد تەڭگەنٸ قۇرادى.
كومپانييا ٶندٸرٸستٸك پروتسەستەردٸ وڭتايلاندىرۋعا, دايىن ٶنٸمنٸڭ ٶزٸندٸك قۇنىن تٶمەندەتۋگە جەنە قورشاعان ورتاعا ەسەردٸ ازايتۋعا باعىتتالعان زەرتتەۋلەرگە ينۆەستيتسييا سالۋدى جالعاستىرادى.
وسىلايشا, قازاتومٶنەركەسٸپ ەلەمدٸك اتوم سالاسىنداعى قازاقستاننىڭ بەدەلٸن نىعايتىپ قانا قويماي, ەل ەكونوميكاسى مەن ٶڭٸرلەردٸڭ دامۋىنا دا ەلەۋلٸ ٷلەس قوسادى.
