Illiýstrativti foto: otyrar.kz
Seisenbi kúni Úkimet otyrysy ótip, kún tártibinde kreativti indýstriiany damytý jáne mádeniet pen óner salalaryn tsifrlandyrý qaraldy. Onda Úkimet basshysy Oljas Bektenov kino salasyna da toqtaldy, dep habarlaidy Ult.kz.
"Qazaqstandyq kino óndirisi byltyr 58%-ǵa ósti. Kassalyq tabysy eń joǵary 10 filmniń arasynda árbir ekinshi taspa otandyq óndiristiń týyndysy boldy. Sheteldik jáne otandyq kartinalardan túsetin alym shamamen teńesti. Bul kórermenderdiń ulttyq kontentke degen qyzyǵýshylyǵynyń artyp kele jatqanyn bildiredi. Sondyqtan da quryltaida Memleket basshysy túsirilip jatqan filmder men serialdarǵa erekshe mán berýdi tapsyrdy", -degen Úkimet basshysy jobalardyń sanyn kóbeitip, tek paida túsirýdi ǵana maqsat etpei, filmderdiń sapasyna basa nazar aýdarý kerek ekenin de aitty.
"Al jaqsy kino túsirý úshin kóp qarajat kerek" degen Oljas Bektenovtiń pikirinshe mundai qarajatty prokattan túsirýge bolady. Biraq qazirgi ýaqytta filmnen túsetin paidanyń kóbi kinoteatr ielerinde qalady eken. Sondyqtan onyń aitýynsha kino túsirýshiler men ony prokatqa shyǵarýshylardyń múddeleriniń tepe-teńdigin bekitý mańyzdy.
"Ol úshin túsken aqshanyń ashyqtyǵyn jáne avtorlyq quqyqtyń saqtalýyn qamtamasyz etetin «e-kino» platformasyn jedel iske qosý kerek", -dedi O. Bektenov.
Mádeniet jáne aqparat ministrligi Biryńǵai kino monitoring júiesin («e-Kino») ázirledi. Bul júie kinoindýstriiadaǵy ashyqtyqty arttyrý, elimizde kassalyq túsimderdi ádil bólý mindetterin atqarady.
«e-Kino» júiesine derekter kinoteatrlardyń bilet satý júiesinen naqty ýaqyt rejiminde túsedi dep otyr QR Mádeniet jáne aqparat ministri Aida Balaeva.
"Júie jekelegen seans pen film kórsetilip jatqan óńir boiynsha kórermender sany men kassalyq túsimderdi baqylaýǵa, biletterdi júkteý úrdisin monitoringteýge, kino kórsetilimderi men túsimderin janr, til jáne óndiris eli boiynsha taldaýǵa múmkindik beredi. Qazirgi ýaqytta «e-Kino» júiesi synaq rejiminde paidalanýda. Júiege 103 kinoteatrdyń 68-i qosylǵan. 30,4 mln teńge kassalyq túsim esepke alyndy. 20 310 bilet tirkeldi. Qazirgi tańda júieni aqparattyq qaýipsizdik talaptaryna sáikestigin testileý máselesi qarastyrylýda. «e-Kino» – kreativti salalardy tsifrlandyrýdyń alǵashqy qadamy", -dedi A. Balaeva.
Tsifrlyq platforma barlyq kinoteatrlardyń, kontsert zaldarynyń jáne t.b. bilet servisterimen integratsiialaý qajet dep esepteidi QR Tsifrlyq damý, innovatsiialar jáne aeroǵarysh ónerkásibi ministri J. Mádiev. Ol biletter satý kezinde derekter avtomatty túrde memlekettik aqparattyq júiege túsýi tiis ekenin aityp otyr.
"Sondai-aq kelýshilerge bilettiń satylýy memlekettik aqparattyq júiede tirkelgeni týraly bilý úshin biletti QR kod arqyly qaita tekserý múmkindigi berilý kerek. Bundai rastaý bolmaǵan kezde klienttiń paidasyna arttyrylǵan aiyppul qarastyrǵan jón dep sanaimyz", -deidi ol.
Sonymen qatar Tsifrlyq damý, innovatsiialar jáne aeroǵarysh ónerkásibi ministri kinoóndiristegi birqatar júieli problemalar bar ekenin atap ótti. Máselen, artyq qaǵaz qujat ainalymy, memlekettik qoldaýdy bólýde tsifrlyq quraldardyń bolmaýy jáne kassalyq túsimderdiń burmalaný qaýpi.
"Bul problemany sheshý maqsatynda, Mádeniet jáne aqparat ministrligi e-Kino aqparattyq júiesin ázirledi, ol protsesterdi avtomattandyrýdy qamtamasyz etedi, biýrokratiialyq kedergilerdi joiady jáne AI men Big Data arqyly sheshimderdiń sýbektivtiligin azaitady. Bul júieni bilet servisterimen integratsiialaý kóleńkeli ainalymdy joiady, al tsifrlyq ekojúie, onyń ishinde strimingtik platformalar men kraýdfanding kinoindýstriianyń turaqty damýy men ashyqtyǵyn qamtamasyz etip, jańa qarjylyq múmkindikterge jol ashady. Búgingi kúni aqparattyq júie aqparattyq qaýipsizdikke synaqtan ótýde jáne áli ónerkásiptik paidalanýǵa berilgen joq", -deidi ministr.
