2020 jyly aliment tóleýden jaltarǵandardan 76 páter men 62 kólik arqyly bereshek óndirildi. Bul týraly QR Ádilet vitse-ministri Almat Madaliev aitty, dep habarlaidy QazAqparat.
«Birneshe jyl boiy júrgizilgen dáiekti reforma jáne atqarýshylyq is júrgizýdi elektrondyq formatta júzege asyrý ózin-ózi aqtady. Atqarýshylyq is júrgizý organdarynyń avtomattandyrylǵan aqparattyq júiesi áleýmettik mańyzdy atqarýshylyq qujattar boiynsha májbúrleý sharalaryn úzdiksiz qabyldaýǵa múmkindik berdi. Osylaisha, aliment sanatyndaǵy boryshkerlerdiń 76 birlik jyljymaityn múliginen jáne 62 birlik kólik quraldarynan bereshek óndirilip alyndy», - dedi ol ministrliktiń keńeitilgen alqa otyrysynda.
Sonymen qatar ol Jeke sot oryndaýshylardyń respýblikalyq palatasynyń qyzmetinde ashyqtyq qamtamasyz etilgenin aitty.
«Respýblikalyq palatanyń býhgalteriiasymen qarjylyq eseptiligi «PricewaterhouseCoopers» kompaniiasynyń aýtsorsingine berilgen. Olardyń kiristeri jáne shyǵystary ai saiyn palatanyń resmi saitynda jariialanady. Bul kásibi uiymǵa degen jeke sot oryndaýshylardyń, onyń músheleriniń jáne retteýshiniń tarapynan senimdi arttyrady», - dedi vitse-ministr.
