Memleket basshysy Sybailas jemqorlyqqa qarsy is-qimyl agenttiginiń tóraǵasy Ashat Jumaǵalidy qabyldady. Bul týraly "Ult aqparat" habarlaidy.
Ashat Jumaǵali sybailas jemqorlyqqa qarsy qyzmettiń byltyr atqarǵan jumysynyń nátijesi jóninde esep berdi.
Onyń aitýynsha, ótken jyly jemqorlyqqa qatysty 1692 qylmys tirkelip, 1324 adam áshkerelengen. Onyń 161-i túrli deńgeidegi basshylar. 1221 is sotqa jiberilgen.
2022 jyldan beri memleketke jáne kvazimemlekettik sektor sýbektilerine 1,02 trln teńge (2,2 mlrd AQSh dollarynan astam) kóleminde múliktik aktivter men qarajat qaitarylǵan, birqatar qylmystyq isti tergeý barysy týraly málimet berdi.
«ÓKM» operatory» JShS-ne qatysty aiaqtalǵan qylmystyq ister boiynsha Qostanai jáne Qaraǵandy oblystaryndaǵy jalpy quny shamamen 20 mlrd teńge bolatyn 2 zaýyt memleket menshigine ótken.
Q.Satybaldyulyna qatysty sotqa deiingi tergeý amaldary aiasynda biyl aqpan aiynda biýdjetke taǵy da shamamen 82,6 mlrd teńge (185 mln AQSh dollary) túsken.
Budan bólek, Aqmola oblysynyń Qosshy qalasyndaǵy 942 gektar jer ýchaskesi memleketke qaitarylǵan.
Onyń naryqtyq quny 13 milliard teńgeden asady.
Memlekettik satyp alý portalyna monitoring júrgizý barysynda 41,3 milliard teńge kólemindegi biýdjet qarajatynyń maqsatsyz jumsalýyna jol berilmegen.
Mamandandyrylǵan HQO-da avtokólik tirkeý kezindegi qýlyq jasaý joldaryn anyqtaǵan.
Memlekettik baj salyǵy men avtomobilderdi tirkeýden túsken tólemderdiń basym bóligi aqparattyq júielerdiń jumysyndaǵy olqylyqtarǵa bailanysty biýdjetke túspegen;
Agenttiktiń usynystary boiynsha kemshilikter joiylǵannan keiin 2023 jyly biýdjetke túsken túsimder (2022 jylmen salystyrǵanda) 9 ese ulǵaiyp, 91,4 milliard teńgeni quraǵan.
Osy rette eki jylda da tirkelgen avtokólikterdiń sany birdei bolǵan.
Sportty qarjylandyrý salasyndaǵy sybailas jemqorlyq táýekelderine syrtqy taldaý júrgizilip jatqanyn, tekserý barysynda biýdjet qarajatynyń tiimsiz bólinýine, sonyń ishinde sybailas jemqorlyq syn-qaterlerine bailanysty áreketter anyqtalǵan.
Tek osy jyldyń ózinde agenttik atalǵan saladaǵy jymqyrý faktileri boiynsha 18 qylmystyq isti tirkegen.
"SK "Farmatsiia" JShS qyzmetin taldaý jumystary aiaqtalǵan. Munda da meditsinalyq preparattar men jabdyqtardy satyp alýǵa qatysty aitarlyqtai jemqorlyq táýekelderi anyqtalǵan. Áleýmettik mańyzy bar problemaly obektilerdiń qurylys barysyn qadaǵalaý nátijesinde búkil el boiynsha 32 ǵimarat pen nysan salynǵan.
«Sybailas jemqorlyqqa qarsy volonterlik» jobasy aiasynda somasy 2 milliard teńgeden asatyn taýarlar men qyzmetterdiń baǵasyn kóterý táýekelderine jol berilmegen.
10 myńǵa jýyq azamatqa tegin quqyqtyq kómek kórsetilgen.
Ulttyq banktiń «Tsifrlyq teńge» jobasy arqyly «aqshany boiaý» tetigin engizý máselesi pysyqtalǵan. Qazirgi ýaqytta Tsifrlyq teńge pilottyq rejimde Almaty qalasyndaǵy mektepterdiń birinde iske asyrylyp jatyr.
Qabyldanǵan keshendi sharalardyń nátijesinde Qazaqstan 2023 jyldyń qorytyndysy boiynsha Transparency International (Sybailas jemqorlyqty qabyldaý indeksi) reitinginde 8 pozitsiiaǵa kóterilip, 180 eldiń arasynda 93-orynǵa turaqtaǵan.
Qasym-Jomart Toqaev sybailas jemqorlyqqa qarsy is-qimyldy jáne aldyn alý sharalaryn kúsheitýge baǵyttalǵan júieli jumystardy jalǵastyrý jóninde birqatar naqty tapsyrma berdi.
