BUU esebinshe, Ýkrainada 24 aqpanda bastalǵan soǵystan kemi 163 beibit turǵyn qaza tapqan, opat bolǵandar arasynda 13 bala bar. Bul týraly BUU adam quqyǵy jónindegi joǵarǵy komissarynyń ókili Elizabet Trosselge silteme jasap, Reuters agenttigi habarlady.
Trosseldiń sózinshe, kemi 400 adam jaralanǵan, olardyń ishinde 26 bala bar.
"Shynaiy adam shyǵyny budan da kóp bolýy múmkin" dedi ol brifingte.
BUU ókili beibit turǵyndardyń kóbi áýeden jasalǵan shabýyldan jáne artilleriialyq atqylaýdan opat bolyp jatyr deidi.
Ýkraina densaýlyq saqtaý ministri Viktor Liashko 28 aqpanda 352 adamnyń qaza bolǵanyn, olardyń arasynda 16 bala baryn málimdegen. Liashkonyń sózinshe, 2040 beibit turǵyn jaralanǵan, arasynda 45 bala bar.
24 aqpanda Resei prezidenti Pýtinnyń buiryǵymen osy eldiń áskerileri Ýkrainaǵa basyp kirgen. Kreml muny Ýkrainany "qarýsyzdandyrý" jáne "ultshyldardan tazartý" úshin jasalǵan "arnaiy operatsiia" dep keledi. Resei biligi beibit turǵyndarǵa oq atpadyq, tek áskeri nysandardy ǵana nysanaǵa aldyq degen, biraq qazirge deiin Kiev, Harkov, Herson jáne birneshe qala shabýylǵa ushyrap, turǵyn úiler qiraǵan.
Gaagadaǵy Halyqaralyq qylmystyq sot Resei Ýkrainaǵa basyp kirgenin soń "áskeri jáne adamzatqa qarsy qylmys" degen aiyppen tergeý bastady.
AQSh, EO jáne Batys elderi Reseige qatal sanktsiialar salǵan soń rýbl quldyrap ketti.
