Foto: ©REUTERS
Birikken Ulttar Uiymynyń Adam quqyqtary jónindegi joǵarǵy komissarynyń keńsesi Ýkrainadaǵy jaǵdaiǵa qatysty jańa aralyq málimetti jariialady, - dep habarlaidy Tengrinews.kz tilshisi Adam quqyqtary jónindegi joǵarǵy komissar basqarmasy saityna silteme jasap.
Adam quqyqtary jónindegi joǵarǵy komissar basqarmasy málimetinshe, 5 sáýir saǵat túngi 12:00-degi jaǵdai boiynsha 3 776 beibit turǵyn zardap shekken - 1 563 adam qaza taýyp, 2 213 adam jaralanǵan.
Qaza tapqandar ishinde - 379 er adam, 237 áiel, 24 qyz jáne 43 ul bala. Sondai-aq, 63 bala men 817 eresek adam qaza bolǵan, olardyń jynysy áli anyqtalmaǵan.
254 er adam, 196 áiel, 44 qyz jáne 40 ul, sondai-aq jynysy áli belgisiz 104 bala men 1575 eresek adam jaralanǵan.
Qaza bolǵandar men jaralanǵandardyń kópshiligi oq-dáriler men jarylǵysh zattar, sonyń ishinde aýyr artilleriia men zymyran shabýyly, sondai-aq áýe soqqylary saldarynan zardap shekkeni aitylǵan.
Bul statistika qujatqa tirkelgen qurbandarǵa ǵana qatysty. Adam quqyqtary jónindegi joǵarǵy komissar basqarmasy naqty kórsetkishter áldeqaida joǵary dep sanaidy, óitkeni keibir jerden túsken habarlamalar keshigip, kóbi áli de rastalmaǵan.
Buǵan deiin Ýkraina biligi Kiev oblysyndaǵy Býchadan foto jáne beinematerialdardy jariialaǵan bolatyn. Resei qorǵanys ministrligi Býchadan túsirilgen kadrlardy arandatýshylyq dep atady.
