Aýǵanstanda "Taliban" qozǵalysy (Qazaqstanda terroristik uiym dep, qyzmetine tyiym salynǵan) bilikke kelip, elden sheteldik ásker shyǵarylǵannan keiin, tálipter jariia etken raqymshylyqqa qaramastan, kezinde halyqaralyq áskeri kúshtermen birge jumys istegen, burynǵy aýǵan úkimeti men qaýipsizdik kúshterinde jumys istegen ondaǵan sheneýnik mert bolǵan. Mundai derekti 30 qańtarda BUU Qaýipsizdik keńesinde baiandama jasaǵan BUU bas hatshysy Antoniý Gýterrish aitty, - dep habarlady Reuters.
Baiandamaǵa sáikes, 15 tamyzdan beri júzden asa adam, onyń úshten ekisi – tálipter men olardyń jaqtastarynyń qolynan kóz jumǵan.
Qujatta "Islam memleketi" ekstremistik tobyna qatysy bar delingen kemi 50 adamnyń da sottan tys jazalanǵany aitylǵan.
BUU esebinde Aýǵanstanda bilikke tálipter kelgen soń ekonomikalyq jáne gýmanitarlyq daǵdarys jailap, quqyq qorǵaýshylar men jýrnalisterge qysym kórsetilip jatqanyn da atap ótken.
Tálipter Aýǵanstan biligine 2021 jyldyń tamyzynda keldi. "Taliban" qozǵalysyn birqatar el, onyń ishinde Qazaqstan da terroristik uiym dep biledi.
Byltyr qazanda Qazaqstan prezidentiniń halyqaralyq yntymaqtastyq jónindegi arnaýly ókili Erjan Qazyhanov bastaǵan delegatsiia Aýǵanstanǵa saparmen barǵan. Kabýlda Qazyhanov "Taliban" ákimshiliginiń joǵary laýazymdy tulǵalarymen kezdesip, Aýǵanstanǵa gýmanitarlyq kómek kórsetý jáne saýda-ekonomikalyq qarym-qatynasty qalpyna keltirý máselelerin talqylaǵan. Qazaqstandyq diplomattardyń áreketi áleýmettik jelide synǵa ushyrady. Atap aitqanda, kei synshylar bes myń tonna undy Aýǵanstanǵa gýmanitarlyq kómek retinde jiberýdi terrorizmdi qarjylandyrý retinde baǵalaǵan.
Derekkóz: Azattyq
