Ýkrainada soǵys bastalǵaly beri 516 beibit turǵyn qaza taýyp, 908 adam jaraqat aldy. Bul týraly BUU Adam quqyqtary jónindegi joǵarǵy komissary basqarmasy habarlady.
Uiym málimetine qaraǵanda, kóz jumǵandardyń arasynda 98 er adam, 60 áiel, toǵyz bala, bes qyz jáne 23 sábi bar. Qalǵan qurban bolǵan 312 adamnyń aty-jóni anyqtalmady.
Beibit turǵyndardyń arasynda qurban bolǵandardyń basym bóligi - Donetsk jáne Lýgansk oblystarynyń turǵyndary. Bul aimaqta 111 adam qaza taýyp, 462 adam jaraqat alǵan.
BUU qaza bolǵan beibit turǵyndar sany budan da kóp bolýy múmkin ekenin, sebebi naqty aqparattar kesh túsip jatqanyn, olardyń kóbin rastaý qajet bolyp jatqanyn jetkizdi.
Júzdegen turǵyn úi zardap shekken Volnovaha, Mariýpol jáne Iziým qalalarynan kelgen málimetter bul statistikaǵa engizilmegen, sebebi olardyń kóbi tekserilmegen.
