BUU bas hatshysy Pan Gi Mýn Siriianyń Idlib provintsiiasyndaǵy mektepke jasalǵan áýe shabýylyn áskeri qylmys dep ataýǵa bolatynyn málimdep, shabýyldy dereý tergeýge shaqyrdy. Pan Gi Mýnnyń málimdemesinde onyń 26 qazanda mektepke jasalǵan shabýyldan 28 adam, onyń arasynda 22 balanyń qaza tapqany týraly habardan "jany túrshikkeni" aitylady.
"Eger shabýyl qasaqana jasalsa, ol áskeri qylmyspen teńestirilýi tiis" delingen málimdemede. Pan Gi Mýn sonymen qatar bul shabýyldy jáne Siriiadaǵy beibit turǵyndarǵa osy kezge deiin jasalǵan basqa da shabýyldardy dereý táýelsiz túrde tergeýge shaqyrady.
27 qazanda Resei syrtqy ister ministrliginiń baspasóz hatshysy Mariia Zaharova quqyq qorǵaýshylar men batystyq diplomattardyń mektepke shabýyldy Resei áskeri-áýe kúshteri men Siriia úkimetiniń áskeri jasady degen uiǵarymyn joqqa shyǵarǵan. "Reseidiń bul qaiǵyly oqiǵaǵa esh qatysy joq" dedi Zaharova Máskeýde jýrnalisterge.
Azattyq
