بۇۇ باس حاتشىسى پان گي مۋن سيرييانىڭ يدليب پروۆينتسيياسىنداعى مەكتەپكە جاسالعان ەۋە شابۋىلىن ەسكەري قىلمىس دەپ اتاۋعا بولاتىنىن مەلٸمدەپ, شابۋىلدى دەرەۋ تەرگەۋگە شاقىردى. پان گي مۋننىڭ مەلٸمدەمەسٸندە ونىڭ 26 قازاندا مەكتەپكە جاسالعان شابۋىلدان 28 ادام, ونىڭ اراسىندا 22 بالانىڭ قازا تاپقانى تۋرالى حاباردان "جانى تٷرشٸككەنٸ" ايتىلادى.
"ەگەر شابۋىل قاساقانا جاسالسا, ول ەسكەري قىلمىسپەن تەڭەستٸرٸلۋٸ تيٸس" دەلٸنگەن مەلٸمدەمەدە. پان گي مۋن سونىمەن قاتار بۇل شابۋىلدى جەنە سيريياداعى بەيبٸت تۇرعىندارعا وسى كەزگە دەيٸن جاسالعان باسقا دا شابۋىلداردى دەرەۋ تەۋەلسٸز تٷردە تەرگەۋگە شاقىرادى.
27 قازاندا رەسەي سىرتقى ٸستەر مينيسترلٸگٸنٸڭ باسپاسٶز حاتشىسى مارييا زاحاروۆا قۇقىق قورعاۋشىلار مەن باتىستىق ديپلوماتتاردىڭ مەكتەپكە شابۋىلدى رەسەي ەسكەري-ەۋە كٷشتەرٸ مەن سيرييا ٷكٸمەتٸنٸڭ ەسكەرٸ جاسادى دەگەن ۇيعارىمىن جوققا شىعارعان. "رەسەيدٸڭ بۇل قايعىلى وقيعاعا ەش قاتىسى جوق" دەدٸ زاحاروۆا مەسكەۋدە جۋرناليستەرگە.
ازاتتىق
