Reseidiń Ýkrainaǵa ashqan soǵysy men infliatsiia saldarynan Shyǵys Eýropa men Ortalyq Aziianyń 4 million balasy joqshylyqta ómir súrip jatyr. Bul aqparatty BUU Balalar qory 22 eldiń málimetine súienip jariialady.
IýNISEF sarapshylary keiingi jylda joqshylyqta ómir súretin balalar 19 paiyz ulǵaidy dep sanaidy.
"Balalarǵa ásirese Ýkrainadaǵy soǵystyń ekonomikalyq saldary qatty áser etip jatyr" - deidi BUU-nyń Eýropa jáne Ortalyq Aziia elderi boiynsha aimaq direktory Afshan Han.
Bul esepke qaraǵanda, joqshylyqta ómir súretin balalardyń tórtten úshi Reseidiń ózinde turady.
BUU málimetine qaraǵanda, soǵys saldarynan Ýkrainada joqshylyqta ósip jatqan balalar bes júz myńǵa kóbeigen. Soǵys jeti jarym million ýkrain balasynyń otbasyna áser etken. Úi, mektep, aýrýhana qirap, júzdegen myń otbasy taza aýyz sý men elektr qýatyna zárý bolǵan. Balalar ata-anasynan aiyrylyp, jetim qalǵan. Resei atyp jatqan zymyrandar men minalar balalardyń alańsyz ómirin toqtatqan.
Esep avtorlary joqshylyqta ómir súrip jatqan balalardyń kúrt kóbeigeni bolashaqqa áser etedi dep sanaidy.
