8-9 mamyrdy BUU-da Ekinshi dúniejúzilik soǵysta qaza tapqandardy eske alý jáne tatýlasý kúni retinde atap ótýde. Bul kúnder soǵystyń qandai zardap ákeletinin eske salyp, máselelerdi áskeri jolmen sheshý áreketterinen saqtaidy, dep habarlaidy "Ult aqparat" BUU Jańalyqtar saityna silteme jasap.
Ekinshi dúniejúzilik soǵys «adamzatqa teńdessiz aýyrtpalyq ákeldi, ásirese Eýropa, Aziia, Afrika, Tynyq muhity jáne álemniń basqa da óńirleri zardap shekti», - delingen 8 jáne 9 mamyrdy Ekinshi dúniejúzilik soǵysta qazaq tapqandarǵa arnalǵan eske alý jáne tatýlasý kúni dep belgilegen Bas Assembleia qararynda.
BUU-na múshe elderdiń fashizmdi jeńý boiynsha óz eske alý kúnderi bar ekenin eskere otyryp, Bas Assambleia BUU júiesindegi elder, uiymdar men jeke tulǵalarǵa jyl saiyn osy kúnderdiń birin Ekinshi dúniejúzilik soǵysta qurban bolǵandardy eske alý kúni retinde atap ótýdi usyndy.
«1945 jyldyń mamyrynda fashizm men basqynshylyqty jeńý jańa zamannyń bastalýyn bildirdi, – dep eske saldy BUU Bas hatshysy Antoniý Gýterrish. – Halyqaralyq yntymaqtastyq pen ortaq adami qundylyqtardyń asa mańyzdy ekenin uǵyný basty maqsaty aldymyzdaǵy urpaqty soǵys aýyrtpalyǵynan aryltý bolyp belgilengen Birikke Ulttar Uiymyn qurýǵa ákeldi».
Pandemiiaǵa bailanysty osydan ekinshi jyl Ekinshi dúniejúzilik soǵystaǵy jeńiske arnalǵan estelik sharalaryn onlain ótkizýge týra kelip otyr. Ótken jyly TMD elderiniń diplomatiialyq missiialary Jahandyq kommýnikatsiia departamenti qoldaýymen áleýmettik jelilerde jeńistiń 75 jyldyǵyna arnalǵan aktsiia ótkizdi.
Osy jyly ortaq joba «Jeńis óneri» dep atalady. Onyń qatysýshylary Twitter men Facebook-ta KSRO respýblikalary ókilderi – sýretshiler, maidan aqyndary men jazýshylary, mýzyka jáne teatr ujymdary maidanda jáne tylda patriotizm men Jeńiske degen jigerdi qalai nyǵaitqanyn aitady. EDS taqyrybyna soǵys bitkennen keiin de biraz ataqshy shyǵarmalar jazyldy. Jańalyqtar qyzmeti sirek fotolar men videolardy, sonyń ishinde Jeńis Murajaiy qorynan alynǵan materialdardy qaita jariialaidy.
