BUU missiiasynda qazaqstandyq bitimgerler quramynda jaýynger qyzdar da bolady. Bul týraly Qorǵanys ministriniń orynbasary Talǵat Muhtarov málim etti, dep habarlaidy QazAqparat.
«Bitimgerler arasynda áielder quramyna toqtalsaq, bul BUU reformalarynyń biri bolyp otyr. Osy oraida BUU talaby men maqsattary arasynda baiqaýshy áielder sanyn arttyrý eskerilgen jáne osy kýrs qazirgi kezde oryndalýda. Biz de bul baǵytta ótinim bildirip, bizdiń eki jaýynger qyzymyz daiyndyqtan ótti. Sondyqtan da olar missiiaǵa barýǵa daiyn», - dedi Talǵat Muhtarov Ortalyq kommýnikatsiialar qyzmetinde.
Aita keteiik, qazaqstandyq rota atalǵan missiiaǵa aldaǵy qarasha aiyna deiin jiberilmek.
«Jylyna bitimgerlik rotaǵa jumsalatyn qarjy 340 mln teńgege jýyq somany quraidy. Osy qarjy kólemine eńbekaqyny tóleý men logistika enip otyr», - dedi ministrdiń orynbasary.
Budan buryn habarlanǵandai, biylǵy 15 maýsymda Parlament Prezidenttiń 40 ofitserdi BUU missiiasyna jiberý týraly usynysyn qoldady.
Qazaqstannyń 120-ǵa jýyq áskeri qyzmetshisi Livandaǵy missiiaǵa qatysady.
Buǵan deiin BUU missiiasynda Qazaqstan bitimgerlerine tólenetin eńbekaqy mólsheri belgili bolǵan edi.
